Մոուրինյոյի հարաբերությունները հիմա էլ Պոգբայի հետ են լարվել

«Մանչեսթեր Յունայթեդի» ֆրանսիացի կիսապաշտպան Պոլ Պոգբան զղջում է, որ վերադարձել է անգլիական ակումբ։

L'Equipe-ի համաձայն՝ 24-ամյա ֆուտբոլիստը լարված հարաբերություններ ունի թիմի պորտուգալացի գլխավոր մարզիչ Ժոզե Մոուրինյոյի հետ, այդ պատճառով նա իրեն երջանիկ չի զգում Մանչեսթերում։

«Նյուքասլի» դեմ Անգլիայի առաջնության 27-րդ տուրի խաղում Մոուրինյոն Պոգբային փոխարինել էր 65-րդ րոպեին։ Հանդիպումից հետո մարզիչը նշեց, որ դա արել էր կիսապաշտպանությունն ուժեղացնելու համար։ «Հադերսֆիլդի» դեմ Անգլիայի առաջնության 26-րդ տուրի խաղում էլ ֆրանսիացի կիսապաշտպանը մնացել էր փոխարինողների թվում։

Հիշեցնենք, որ Պոգբան 2016-ին Թուրինի «Յուվենտուսից» էր տեղափոխվել «Մանչեսթեր Յունայթեդ”, որի կազմում խաղացել էր նաեւ 2011-2012-ը։