Ձմեռային օլիմպիական խաղերի բացման արարողությունը (Լուսանկարներ)

Փհենչհան-2018-ին կմասնակցեն 92 երկրների 2925 մարզիկներ, ինչը ռեկորդային ցուցանիշ է ձմեռային Օլիմպիական խաղերի պատմության մեջ: Առաջին անգամ ձմեռային Օլիմպիական խաղերում հանդես կգան Մալայզիայի, Սինգապուրի, Էկվադորի, Նիգերիայի, Կոսովոյի եւ Էրիթրեայի մարզիկները:

Հարավային Կորեայի եւ Հյուսիսային Կորեայի պատվիրակությունները շքերթին մասնակցեցին միասին, թեեւ երկու երկրները պատերազմի մեջ են:

Ռուսաստանցի մարզիկները շքերթին մասնակցեցին օլիմպիական դրոշով, իսկ դրոշակակիրն էր կամավորական: Ավելի վաղ Միջազգային օլիմպիական կոմիտեն հակադոպինգային կանոնադրության խախտումների համար որակազրկել է Ռուսաստանի Ազգային օլիմպիական կոմիտեին, այդ պատճառով ռուս մարզիկները կներկայացվեն «Օլիմպիական մարզիկներ Ռուսաստանից»՝ անգլերեն «Olympic Athlete from Russia» կամ OAR:

Հայաստանի ներկայացուցիչների մրցելույթների ժամանակացույցը Կատյա Գալստյան - սպրինտ, փետրվարի 13, ժամը 12:30-ին (Երեւանի ժամանակով) Միքայել Միքայելյան - սպրինտ, փետրվարի 13, ժամը 13:05 Կատյա Գալստյան - 10 կմ ազատ ոճ, փետրվարի 15, ժամը 10:30 Միքայել Միքայելյան - 15 կմ ազատ ոճ, փետրվարի 16, ժամը 10:00 Աշոտ Կարապետյան - հսկա ոլորավայրէջք, փետրվարի 18, ժամը 05:15 Աշոտ Կարապետյան - հատուկ ոլորավայրէջք, փետրվարի 22, ժամը 05:15