Հյուսիսային Կորեայի պատվիրակությունները ժամանում են Հարավային Կորեայի օլիմպիական խաղերին

Հյուսիսային Կորեայից ավելի քան 200 երկրպագուներ այսօր հատելով ռազմականացված սահմանը ժամանել են Հարավային Կորեա: Նրանք 280 հոգանոց պատվիրակության մասն են կազմում, որը գլխավորում է Հյուսիսային Կորեայի սպորտի նախարար Կիմ Իր Գուկը:

Ինչպես հաղորդվում է, սպորտի երկրպագուները ենթադրաբար խիստ ընտրության միջով են անցել՝ ստուգվել է նրանց և ընտանիքի անդամների կենսագրությունը, հայացքներն ու իշխող Աշխատավորական կուսակցության հանդեպ հավատարմությունը:

Հարավային Կորեայի պաշտոնյաները հայտնում են, որ Հյուսիսային Կորեայի առաջնորդի կրտսեր քույրը՝ Կիմ Յո Յոնգը ևս ժամանելու է Հարավային Կորեա, դիտելու փետրվարի 9-ին կայանալիք օլիմպիական խաղերի բացման հանդիսությունը: Նրան ուղեկցելու են Հյուսիային Կորեայի երեք բարձրաստիճան պաշտոնյաներ:

Մինչ այս, Հյուսիսային Կորեայից արդեն 46 հոգանոց պատվիրակություն էր ժամանել Հարավային Կորեա, այդ թվում 22 մարզիկներ: Հարավային Կորեայում նաև երկու համերգով հանդես են գալու Հյուսիսային Կորեայի երաժիշտները:

ԱՄՆ-ի փոխնախագահ Մայք Փենսն ասել է, թե թույլ չեն տա, որ Փհենյանը օլիմպիական խաղերն օգտագործի քարոզչական նպատակներով, միաժամանակ չբացառելով շփումները Հյուսիսային Կորեայի պատվիրակության պաշտոնյաների հետ: Մայք Փենսը, ով հիմա գտնվում է Ճապոնիայում, Հարավային Կորեա է մեկնելու փետրվարի 8-ին:

Այս թեմայով Պատերազմի հետեւանքով բաժանված ընտանիքների հանդիպում Կորեայի Հանրապետության եւ ԿԺԴՀ-ի գագաթնաժողովը կկայանա սեպտեմբերի 12-ին կամ 13-ին Փհենյանում Սեուլի եւ Փհենյանի առաջնորդների հանդիպումը կարող է կայանալ Հյուսիսային Կորեայի մայրաքաղաքում Չինաստանն ու Ռուսաստանը Կորեային պաշտպանեցին ԱՄՆ-ի հարձակումից Հյուսիսային եւ Հարավային Կորեաներն այլեւս թշնամիներ չեն