Սեուլի եւ Փհենյանի առաջնորդների հանդիպումը կարող է կայանալ Հյուսիսային Կորեայի մայրաքաղաքում

Սեուլի եւ Փհենյանի առաջնորդների հաջորդ հանդիպումը կարող է կայանալ Հյուսիսային Կորեայի մայրաքաղաքում: Այս մասին հայտնել է Հյուսիսային Կորեայի բարձրաստիճան ներկայացուցիչ Ռիո Սոն Գվոնը՝ հարավային Կորեայի գործընկերների հետ հանդիպումը սկսվելիս, փոխանցում է AP-ն:

Երկու Կորեաների ներկայացուցիչների հանդիպումն ընթանում է սահմանամերձ Փհանմունջոմում:

Հարավկորեական պատվիրակությունը ղեկավարում է Չո Մյոն Գիոնը, որը համակարգում է միավորման հարցերով նախարարությունը:

«Մենք Հյուսիսի դիրքորոշման մասին կլսենք այս աշնանը տեղի ունենալիք միջկորեական գագաթնաժողովին, ինչպես նախատեսված է Փհանմունջոմի հռչակագրով»,- ասել է Չոն լրագրողներին՝ նկատի ունենալով ապրիլին երկու Կորեաների առաջնորդների հանդիպման արդյունքում ձեռք բերված համաձայնագիրը:

Սեուլի եւ Փհենանի հանդիպումը տեղի է ունենում Սինգապուրի գագաթնաժողովից հետո Հյուսիսային Կորեայի զինաթափման ջանքերի դանդաղ առաջընթացի ֆոնին:

Լուրեր Հայաստանից - NEWS.am

Այս թեմայով Պատերազմի հետեւանքով բաժանված ընտանիքների հանդիպում Կորեայի Հանրապետության եւ ԿԺԴՀ-ի գագաթնաժողովը կկայանա սեպտեմբերի 12-ին կամ 13-ին Փհենյանում Չինաստանն ու Ռուսաստանը Կորեային պաշտպանեցին ԱՄՆ-ի հարձակումից Հյուսիսային եւ Հարավային Կորեաներն այլեւս թշնամիներ չեն Քիմ Չեն Ընը Թրամփի հետ գագաթնաժողովը «խաղաղության նախերգանք» է անվանել