Լուլա դա Սիլվան կդառնա Բրազիլիայի պատմության մեջ ամենատարեց նախագահը

Ընտրություններում հաղթած Լուիս Ինասիու Լուլա դա Սիլվան կդառնա Բրազիլիայի պատմության մեջ ամենատարեց նախագահը: Պաշտոնը ստանձնելու պահին քաղաքական գործիչը կլինի 81 տարեկան: Երդմնակալության արարողությունը տեղի կունենա 2027 թվականի հունվարին։

Ինչպես նշում է CNN Brasil հեռուստաալիքը՝ նախորդ տարիքային ռեկորդը նույնպես պատկանում է երկրի գործող ղեկավարին. 2023 թվականի հունվարի 1-ին նա սկսել էր իր երրորդ ժամկետը 77 տարեկանում։

Արձանագրությունների 100%-ի հաշվարկի արդյունքներով՝ իշխող Աշխատավորական կուսակցության առաջնորդն ստացել է 64,256,232 ընտրողի աջակցություն (51.79%): Աջակողմյան ընդդիմության նրա մրցակից, սենատոր Ֆլավիու Բոլսոնարուն այս ընտրություններում հավաքել է 59,826,041 ձայն (48.21%):

Լուլա դա Սիլվան Բրազիլիայի պատմության մեջ առաջին քաղաքական գործիչն է, որը չորրորդ անգամ կզբաղեցնի պետության ղեկավարի բարձրագույն պաշտոնը։ Բացի այդ, բրազիլացի առաջնորդը երկրի պատմության մեջ առաջին թեկնածուն է, որին հաջողվել է առաջին տուրում հետ մնալուց հետո վերջնական հաղթանակ տանել․ նա հավաքել էր 45.16%՝ Ֆլավիու Բոլսոնարուի 47.03%-ի դիմաց։