Թրամփը զգուշացնում է, սակայն Էրդողանը մտադիր է շարունակել գործողությունները Սիրիայում

Թուրքիայի նախագահը խոստանում է շարունակել գործողությունները Սիրիայում՝ չնայած Միացյալ Նահանգների նախագահի նախազգուշացումներին: Այդ մասին Ռեջեփ Էրդողանը հայտարարել է Դոնալդ Թրամփի հետ հեռախոսազրույցից հետո:

ԱՄՆ նախագահը հեռախոսազրույցում հորդորել է Թուրքիայի ղեկավարին «խուսափել որևէ գործողություններից, որոնք կարող են կոնֆլիկտ հարուցել թուրքական և ամերիկյան ուժերի միջև»: Թրամփը նաև շեշտել է, որ Աֆրինում շարունակվող բռնությունները «քայքայում են Սիրիայում ընդհանուր նպատակները»:

Թուրքիայի վարչապետ Բինալի Յըլդըրըմը, մինչդեռ, պնդում է, որ հունվարի 20-ից մեկնարկած գործողությունների նպատակն է 30 կիլոմետրանոց անվտանգության գոտի ստեղծել Սիրիայի տարածքում:

Հիշեցնենք, Թուրքիայի զինուժը հատել է Սիրիայի հետ սահմանը` Աֆրինի շրջանում քուրդ զինյալների դեմ ռազմական գործողություններ իրականացնելու համար:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը