Թբիլիսիի դատարանը կալանավորել է ռեստորանում երեք մարդու դանակահարած երգչին
Թբիլիսի քաղաքային դատարանը կալանավորել է երգիչ Սաբա Սամուշիային, որը քաղաքի ռեստորաններից մեկում ծեծկռտուքի ժամանակ դանակահարել էր երեք մարդու, հաղորդում է «Նովոստի Գռուզիան»:
Միջադեպը տեղի է ունեցել հունվարի 18-ի գիշերը «Ագա» ռեստորանում: Սամուշիան այնտեղ ելույթ էր ունենում հյուրերից մեկի հրավերով, ով ռեստորանում նշում էր իր ծննդյան օրը:
Հերթական երգը կատարելիս Սամուշիայի եւ հոբելյարի ընկերների միջեւ վիճաբանություն է ծագել, որի հետեւանքով երեք մարդ դանակի հարվածներ է ստացել: Տուժածներից մեկի զարկերակն է կտրվել, նրան վիճակը ծայրահեղ ծանր է:
Սամուշիան պնդում է, որ գործել է ինքնապաշտպանությունից ելնելով: Բացի այդ, նրա փաստաբանի խոսքով, դանակ է ունեցել ծեծկռտուքի առնվազն եւս մեկ մասնակից:
«Մենք չգիտենք՝ ով ում է դանակահարել, բայց ինքնապաշտպանությունից ելնելով Սամուշիան դանակ է օգտագործել, ինչը խոստովանել է: Գործում կա երկրորդ դանակ»,-ընդգծել է Սամուշիայի պաշտպան Շալամբերիձեն:
Պաշտպանական կողմն առաջարկել է հազար լարի (մոտ 400 դոլար) գրավի դիմաց ազատ արձակել Սամուշիային, սակայն դատարանը մերժել է միջնորդությունը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին