Դոհայում ավարտվել են ԱՄՆ-ի և Իրանի միջնորդավորված բանակցությունները
«Կատարցի և պակիստանցի միջնորդներն այսօր Դոհայում առանձին հանդիպումներ են ունեցել ԱՄՆ-ի և Իրանի բանակցողների հետ, և դրական առաջընթաց է գրանցվել Իսլամաբադի փոխըմբռնման հուշագրի հետ կապված հարցերի շուրջ՝ հիմնվելով Լյուցեռնի գագաթնաժողովի արդյունքների վրա», - գրել է նա էլեկտրոնային նամակում։
Կատարի արտաքին գործերի նախարարության խոսնակը հավելել է, որ կողմերը համաձայնել են շարունակել երկխոսությունը։ «Հաջորդ հանդիպումը կնշանակվի հնարավորինս շուտ՝ Իրանի նախկին գերագույն առաջնորդի մահվան հետ կապված սգո միջոցառումների ավարտից հետո», - հայտարարել է ալ-Անսարին։
Իրանի փոխարտգործնախարար Քազեմ Ղարիբաբադին իրանական պետական լրատվամիջոցների հետ զրույցում ասել է, որ Կատարի և Պակիստանի միջնորդների հետ երկու փուլով հանդիպումներ են անցկացրել։
Առաջին հանդիպումը տեղի է ունեցել Վերահսկման և իրականացման աշխատանքային խմբի շրջանակում, որն ԱՄՆ-Իրան փոխըմբռնման հուշագրով ստեղծված չորս մարմիններից մեկն է։ IRIB պետական հեռարձակողի փոխանցմամբ՝ իրանական պատվիրակությունը հանդիպման ընթացքում բարձրացրել է «ԱՄՆ-ի կողմից հուշագրի 1-ին հոդվածով ստանձնած պարտավորությունների խախտման» հարցը։ Նշված հոդվածը նախատեսում է ռազմական գործողությունների դադարեցում բոլոր ճակատներում։ Կողմերը նաև քննարկել են «տարածաշրջանում ռազմական տեխնիկայի և ուժերի ամրապնդման ուղղությամբ ԱՄՆ-ի գործողությունների մասին հրապարակումները, ինչպես նաև ամերիկացի պաշտոնյաների կողմից արվող սպառնալից հայտարարությունները»։
Հանդիպման ընթացքում որոշում է կայացվել մեկ օրվա ընթացքում ստեղծել անհապաղ հաղորդակցության խողովակ, ինչպես նաև պաշտոնապես փաստաթղթավորել փոխըմբռնման հուշագրի թերությունները, որպեսզի հետագայում հնարավոր լինի դրանք քննարկել և լուծել։
Երկրորդ հանդիպումը, որին մասնակցել են Կատարի պաշտոնյաները և երկրի կենտրոնական բանկի ներկայացուցիչները, նվիրված է եղել Իրանի սառեցված շուրջ 6 միլիարդ դոլարի միջոցների ազատման հարցին։ Ղարիբաբադիի խոսքով՝ բանակցությունների ընթացքում քննարկվել են այդ 6 միլիարդ դոլարի մի մասի օգտագործման հետ կապված հարցեր, և ձեռք է բերվել համաձայնություն, որ Իրանը միջոցները կօգտագործի իր «հայտարարված կարիքներին» համապատասխան ապրանքներ ձեռք բերելու նպատակով։
ԱՄՆ-ն և Իրանը համաձայնության են եկել հրադադարի շուրջ
Իրանի ԱԳՆ-ն պատժամիջոցների խստացման ԱՄՆ քաղաքականությունն անվանել է վտանգավոր «կախվածություն»
ԱՄՆ-ի օդային հարվածների հետևանքով զոհվել է Իսլամական հեղափոխության պահապանների կորպուսի ութ զինծառայող
Շվեյցարիայի ԱԳՆ-ն հաստատեց. իրանա-ամերիկյան բանակցությունները չեղարկվել են
Իրանի խորհրդարանի նախագահը ԱՄՆ-ին խոստացել է «կործանարար պատասխան»՝ հուշագրի պայմանները խախտելու դեպքում
Հայկական ֆուտբոլում հասունանում է իրավական նոր սկանդալ
Դեպի ԵՄ երկրներ արտահանման ծավալն աճել է
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Սերգեյ Բագրատյանին երեք օրով չվճարվող արձակուրդ է տրամադրվել
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Վրաերթի են ենարկվել զինծառայողներ, մեկը մահացել է
ԱՄՆ տարածաշրջանից «պատվով դուրս գալու» ելք է փնտրում․ Իրանի խորհրդարանի խոսնակ
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...