Հայաստանի եւ Ադրբեջանի ԱԳ նախարարները կհանդիպեն հունվարի կեսերին. այն միտված է լարվածության նվազեցմանը
Այս փուլում դժվար է խոսել բանակցությունների առաջընթացի մասին: Այս մասին, այսօր՝ հունվարի 11-ին, ԱԺ-ում լրագրողների հետ զրույցում նշել է Հայաստանի ԱԳ փոխնախարար Շավարշ Քոչարյանն՝ անդրադառնալով հունվարի կեսերին նախատեսվող ՀՀ եւ Ադրբեջանի ԱԳ նախարարիների հանդիպմանը:
Նրա խոսքով, Հայաստանի եւ Ադրբեջանի արտգործնախարարների հանդիպման տեղի ու վայրի մասին տեղեկատվություն կտրամադրվի:
Անդրադառնալով այդ հանդիպումից ակնկալիքներին, Շավարշ Քոչարյանն ասաց. «Առաջընթացի մասին խոսելը դժվար է, որովհետեւ կողմերի միջեւ չկա վստահության մթնոլորտ: Այն իսպառ բացակայում է: Բոլորս տարբեր հայտարարությունների ականատես եղանք, որոնք համահունչ են Հայաստանի արտաքին քաղաքական դիրքորշումներին առ այն, որ անհրաժեշտ է ներդնել այն մեխանիզմները, որոնց պայմաններում կձեւավորվի այդ մթնոլորտը»:
Նրա խոսքով՝ վերը նշված պայմաններից առաջնայիններից է զինադադարի ռեժիմի պահպանումը. «Անհրաժեշտ է, որ ներդրվեն այն մեխանիզմները, որոնք կնպաստեն ապագայում այդ մթնոլորտի ձեւավորմանը: Խոսքը վերաբերում է զինադադարի ռեժիմի պահպանմանը, ռազմական գործողությունների դադարեցմանը, հրադադարի ռեժիմի պահպանմանը: Այս տեսանկյունից հանդիպումներն առաջին հերթին միտված են լարվածության նվազեցմանը: Իհարկե, կորուստներ ունենք, կրակոցներ կան, բայց հանդիպումները նպաստում են, որ լարվածության մակարդակն իջնի»:
Հարցին, թե հնարավո՞ր է, որ ԱԳ նախարարնեի հանդիպմանը հաջորդի նաեւ նախագահների մակարդակով հանդիպում, Քոչարյանը պատասխանեց.
«Այդպիսի բան այսօր դեռեւս չի քննարկվում: Նմանատիպ հանդիպումները ԱԳ նախարարների հանդիպումներից են կախված»:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել