Թուրքիան եւ Գերմանիան նորից եղբայրներ են
Գերմանիայի և Թուրքիայի արտգործնախարարներ Զիգմար Գաբրիելն ու Մևլութ Չավուշօղլուն հայտարարել են երկկողմ հարաբերությունները բարելավելու մտադրության մասին:
«Չնայած Բեռլինի և Անկարայի միջև առկա մի շարք տարաձայնություններին, անհրաժեշտ է անել հնարավորը՝ առկա դժվարությունները հաղթահարելու համար»,- մասնավորապես, հայտարարել է Գերմանիայի արտգործնախարարն իր թուրք պաշտոնակցի հետ համատեղ մամուլի ասուլիսի ընթացքում, որը տեղի է ունեցել գերմանական Գոսլար քաղաքում: «Թուրքիան Գերմանիայի կարևոր գործընկերն է բազմաթիվ ոլորտներում: Երկու երկրներն ավելի շատ ընդհանրություններ ունեն, քան կարելի էր գիտակցել»,- նաև նշել է Գերմանիայի Դաշնության դիվանագիտական գերատեսչության ղեկավարը:
Թուրքիայի արտգործնախարարն իր հերթին հիշեցրել է այն խնդիրների և «լարված իրավիճակների» մասին, որոնք երկու երկրների հարաբերությունների վատթարացման պատճառ են հանդիսացել: «Մենք կարծում ենք, որ երկխոսության շնորհիվ այդ տարաձայնությունները կարող են հաղթահարվել»,- ասել է Չավուշօղլուն՝ հավելելով, թե Անկարան «որոշ ակնկալիքներ ունի» Բեռլինից, այդ թվում՝ Թուրքիայում արգելված Քրդական աշխատավորական կուսակցության հետ կապված:
ՆԱՏՕ-ի անդամ երկու դաշնակից երկրների հարաբերությունները կտրուկ սրվեցին շուրջ երկու տարի առաջ, երբ Բունդեսթագը 1915 թվականին Օսմանյան Կայսրությունում մեկուկես միլիոն հայերի կոտորածը ճանաչեց որպես ցեղասպանություն և այն դատապարտող բանաձև ընդունեց:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են