Այսօր թռչունների միջազգային օրն է
«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը հայտնել է, որ այսօր թռչունների միջազգային օրն է։
Թռչուններին նվիրված տոնն առաջին անգամ նշվել է ամերիկյան Օյլ-Սիթի քաղաքի դպրոցում 1894 թվականին կենսաբանության ուսուցիչ Չարլզ Բեբկոկի կողմից կազմակերպված միջոցառմանը: Գաղափարին աջակցել են տեղական թերթերը։ Այնուհետև Թռչունների օրը լայնորեն նշվել է ԱՄՆ-ում և Եվրոպայում: 1902 թվականին Փարիզում ստորագրվեց «գյուղատնտեսության մեջ օգտակար թռչունների պահպանության մասին միջազգային կոնվենցիան»։ Դրանում նշվել է տասից ավելի պետություն։ Իսկ 1906 թվականին տոնը ներառվել է աշխարհի շատ երկրների բնապահպանական օրացույցներում:
1950 թվականի հոկտեմբերի 18-ին Փարիզում ստորագրվել է «Թռչունների պահպանության մասին միջազգային կոնվենցիան», որը փոխարինել է նախորդ փաստաթղթին:
Թռչունների միջազգային օրը գործնականում թռչունների և նրանց խնդիրների մասին իրազեկման օր է։
Տարեցտարի ավելի ու ավելի շատ թռչունների տեսակներ են ընդգրկվում Կարմիր գրքում, այժմ դրանցից յուրաքանչյուր 6-րդը գտնվում է անհետացման վտանգի տակ։
Հետաքրքիր փաստեր թռչունների մասին
- Աշխարհում կա ավելի քան 10000 տեսակի թռչուն( Հայաստանում հանդիպում է 376 տեսակ, որից ավելի քան 100 տեսակը գրանցված է Կարմիր գրքում):
- Աշխարհի ամենափոքր թռչունը մեղրակեր կոլիբրին է, որի քաշը ընդամենը 2 գրամ է։
- Ամենաարագ թռչունը սապսանն է, որը որսի հետևից կարող է սլանալ մինչև 390 կմ/ժ արագությամբ։։
- Մոխրագույն թութակ ժակոն կարողանում է հիշել ավելի քան 1500 բառ։
- Թռչունների որոշ տեսակներ, օրինակ ագռավները ու թութակները ունեն 5-ամյա երեխայի մակարդակի ինտելեկտ։
- Ալբատրոսները կարող են մի քանի տարի չհպվել հողին՝ իրենց կյանքը անցկացնելով օդում։
- Կազուարն աշխարհի ամենավտանգավոր թռչունն է, որը հայտնի է իր դաշույնի ճանկերով, որոնք կարող են սպանել մեկ հարվածով։
- Չվող թռչունները տարիներ շարունակ տասնյակ հազարավոր կիլոմետրեր են թռչում՝ կողմնորոշվելով աստղերով ու Երկրի մագնիսական դաշտով։
- Թռչունների մարմնի ջերմաստիճանը 7-8 աստիճանով բարձր է մարդկանց մարմնի ջերմաստիճանից:
- Թռչունները ատամներ չունեն, ուստի սնունդն ամբողջությամբ կուլ են տալիս ու մարսում ստամոքսում։


















































Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
2025-ի ամենասիրված մանկական անունները Հայաստանում
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Ուկրաինացի բժիշկները ռազմագերիների վիրահատություններ են կատարել առանց անզգայացման
2026-ը կարևոր տարի է 6G և խելացի համակարգերի համար
Ֆինն Գերագուսյանը նշեց իր նորամուտը Հայաստանի հավաքականի կազմում
Իրանը ռազմավարական առավելություն է ձեռք բերել. The Economist
Եկեք իսկապես մտածենք անհետ կորածների մասին
Սամվել Կարապետյանի և ևս 2 անձի վերաբերյալ քրեական վարույթի նախաքննությունն ավարտվել է. մանրամասներ