ՖԻՖԱ-ի նախագահն արձագանքել է Վինիսիուսի շուրջ ծագած ռասիստական սկանդալին

ՖԻՖԱ-ի նախագահ Ջանի Ինֆանտինոն մեկնաբանել է Չեմպիոնների լիգայի շրջանակում Լիսաբոնի «Բենֆիկայի» և Մադրիդի «Ռեալի» միջև կայացած խաղում տեղի ունեցած սկանդալային միջադեպը։

Հիշեցնենք, որ հանդիպման ընթացքում մադրիդյան թիմի հարձակվող Վինիսիուս Ժունիորը, ըստ իր պնդման, ենթարկվել էր ռասիստական բնույթի վիրավորանքների։ ​«Ես ցնցված էի։ Կատարվածն ինձ խորապես վշտացրեց։ Մեր հասարակության մեջ ռասիզմը բացարձակապես տեղ չունի։ Պետք է անել հնարավոր ամեն ինչ, որպեսզի համապատասխան միջոցներ ձեռնարկվեն»,- Ինֆանտինոյի խոսքերն է մեջբերում Ֆուտբոլի միջազգային ֆեդերացիայի մամուլի ծառայությունը։

​Անցումային փլեյ-օֆֆի առաջին հանդիպումն ավարտվել է «արքայական» ակումբի նվազագույն՝ 1-0 հաշվով հաղթանակով։ Խաղի միակ և հաղթական գոլը երկրորդ խաղակեսի մեկնարկում հեղինակել է հենց Վինիսիուսը։

armsport.am