Օլիմպիական խաղերում մեդալների 9 հավաքածու է խաղարկվել

Իտալիայում շարունակվող Ձմեռային օլիմպիական խաղերում խաղարկվել է մեդալների 9 հավաքածու՝ մի շարք մարզաձևերում, այդ թվում՝ սնոուբորդում, լեռնադահուկային սպորտում և բիաթլոնում։ Զուգահեռաբար անցկացվել են նաև տղամարդկանց հոկեյի քառորդ եզրափակիչ հանդիպումները։

Հոկեյ (տղամարդիկ)

Քառորդ եզրափակիչ փուլում միայն մեկ հանդիպում է ավարտվել հիմնական ժամանակում․ Սլովակիայի հավաքականը 6։2 հաշվով հաղթել է Գերմանիային։
Մյուս երեք խաղերում արձանագրվել է լարված պայքար․ առաջատար համարվող Կանադայի և ԱՄՆ-ի հավաքականները կիսաեզրափակիչ են դուրս եկել մեծ դժվարությամբ։

Սնոուբորդ

Կանանց սլոփսթայլի եզրափակիչը հետաձգվել է Լիվինյոյի լեռնադահուկային կենտրոնում եղանակային անբարենպաստ պայմանների՝ ուժեղ քամու և ձնաբքի պատճառով։ Միջազգային դահուկային ֆեդերացիան (FIS) հայտարարել է, որ մարզիկները չեն կարողացել ավարտել մարզումային փորձերը, ինչի հետևանքով որոշվել է մրցումը տեղափոխել այլ օր։

Կանանց թռիչքներով սահքի որակավորման փուլը ևս հետաձգվել է։

Բիաթլոն

Տղամարդիկ, 4×7,5 կմ էստաֆետ
Ֆրանսիայի հավաքականը պատմության մեջ առաջին անգամ հաղթել է տղամարդկանց օլիմպիական էստաֆետում։ Ֆաբյեն Կլոդը, Էմիլիեն Ժակլենը, Կենտեն Ֆիյոն Մայեն և Էրիկ Պերոն մրցատարածությունը հաղթահարել են 1:19։55,2 ժամանակով։
Նորվեգիան զբաղեցրել է երկրորդ տեղը՝ զիջելով 9,8 վայրկյան, Շվեդիան՝ երրորդը (զիջում՝ 57,5 վայրկյան)։

Կանանց էստաֆետ
Ֆրանսիայի հավաքականը, առաջին փուլից հետո զբաղեցնելով 16-րդ հորիզոնականը, կարողացել է վերադառնալ պայքար և հաղթել՝ արձանագրելով 1:10։22,7 արդյունք։ Վերջին փուլում Ժուլյա Սիմոնը ֆինիշ է հասել ֆրանսիական դրոշով։ Սա Ֆրանսիայի երրորդ էստաֆետային ոսկին է այս խաղերում՝ տղամարդկանց և խառը էստաֆետներից հետո։

Ֆրիսթայլ (ակրոբատիկա, կանայք)

Չինաստանի ներկայացուցիչ Սյու Մենտաոն 112,90 միավորով դարձել է կրկնակի օլիմպիական չեմպիոն՝ կրկնելով իր նախորդ հաջողությունը։
Արծաթե մեդալը նվաճել է Ավստրալիայի ներկայացուցիչ Դանիելա Սկոթը (102,17 միավոր)։

Լեռնադահուկային սպորտ

Կանանց թիմային սպրինտ
Շվեդիայի ներկայացուցիչներ Յոննա Սունդլինգը և Մայա Դալկվիստը նվաճել են ոսկե մեդալը՝ բարելավելով նախորդ խաղերի արդյունքը։
Շվեյցարիան ֆինիշ է հասել 1,4 վայրկյան ուշացումով և դարձել արծաթակիր։
Բրոնզե մեդալը բաժին է հասել Գերմանիային, որը պայքարում գերազանցել է Նորվեգիային։

Սնոուբորդ (կանայք)

Ճապոնուհի Մարի Ֆուկադան 87,83 միավորով զբաղեցրել է առաջին տեղը, նրա հայրենակից Կոկոմո Մուրասեն՝ երրորդը (85,80 միավոր)։
Արծաթե մեդալը նվաճել է Նոր Զելանդիայի ներկայացուցիչ Զոի Սադովսկի-Սինոթը՝ 87,48 միավորով։