ՈՒԵՖԱ-ն հետաքննություն է սկսել Բենֆիկա-Ռեալ խաղում գրանցված ռասիստական միջադեպի առթիվ

Madrid Universal-ի փոխանցմամբ՝ եվրոպական ֆուտբոլային կառույցը մտադիր է հարցաքննել միջադեպի բոլոր մասնակիցներին, այդ թվում՝ Կիլիան Մբապեին։ Ֆրանսիացի աստղը խաղից հետո հրապարակայնորեն հայտարարել էր, որ լիսաբոնյան ակումբի կիսապաշտպան Ջանլուկա Պրեստիանին ռասիստական արտահայտություններ է թույլ տվել իր թիմակցի հասցեին։ Նշվում է, որ պատժամիջոցներ կկիրառվեն միայն անհերքելի ապացույցների առկայության դեպքում։

ՈՒԵՖԱ-ն արդեն պաշտոնական մեկնաբանություն է տվել իրավիճակի վերաբերյալ Sky Sports News-ին տրամադրած հայտարարության մեջ. Ներկայումս ընթանում է պաշտոնական զեկույցների վերլուծություն։ Խախտումներ հայտնաբերելու դեպքում կհարուցվի վարույթ, իսկ կարգապահական պատժամիջոցների կիրառման դեպքում համապատասխան տեղեկատվությունը կհրապարակվի ՈՒԵՖԱ-ի պաշտոնական կայքում։ Այս փուլում մենք հավելյալ մեկնաբանություններ չունենք»։

Թիմերի միջև պատասխան հանդիպումը կկայանա փետրվարի 25-ին՝ «Սանտիագո Բերնաբեու» մարզադաշտում։

armsport.am