Ղարաբաղյան հակամարտությունը բնավ «սառեցված» չէ․ Ֆրանսիայի դեսպան
Լեռնային Ղարաբաղի հակամարտությունը դժվար է դասել «սառեցված» հակամարտությունների շարքին: Այս մասին դեկտեմբերի 12-ին՝ ասուլիս ժամանակ, հայտարարել է Հայաստանում Ֆրանսիայի դեսպան Ջոնաթան Լաքոտը:
«Ինձ զարմացրել է հասարակության մեջ հակամարտության արտացոլված լինելու աստիճանը»,-ասել է դեսպանը` հավելելով, որ շփման գծում շատ զինվորներ են զոհվում: «Եթե չեմ սխալվում՝ տարվա սկզբից 57 մարդ է զոհվել»,- ասել է դեսպանը:
Դիվանագետը նշել է, որ հակամարտությունը սառեցված չէ, այլ գործող կոնֆլիկտ է, որն ազդում է ժողովրդի եւ տնտեսության վրա: «Եվ դա մեզ անհանգստացնում է»,-նշել է դեսպանը:
Նրա խոսքով՝ Ֆրանսիան վճռական է իր պարտականությունները որպես ԵԱՀԿ Մինսկի խմբի համանախագահող երկիր կատարելու հարցում: Միեւնույն ժամանակ, դիվանագետը շեշտել է, որ հակամարտությունը չունի ռազմական լուծում:
Երեք սկզբունքները՝ ուժի եւ ուժի սպառնալիքի չկիրառման, տարածքային ամբողջականության եւ ժողովրդի ինքնորոշման իրավունքի սկզբունքները բանակցային գործընթացի կենտրոնում են։ Դեսպանը ընդգծել է, որ Ֆրանսիան ողջունում է Ժնեւում նախագահների եւ Վիեննայում արտգործնախարարների հանդիպման արդյունքները եւ սպասում է նախարարների հանդիպմանը հաջորդ տարվա սկզբին:
«Ֆրանսիայում, ամենաբարձր մակարդակով, հետեւում են հակամարտությանը: Ֆրանսիան լիովին հավատարիմ է Մինսկի խմբի կազմում համանախագահի իր պարտավորություններին: Իսկ հակամարտության կարգավորմանը կարող են հասնել միայն կողմերը: Ես Հայաստանում դեսպան լինելու պատիվ ունեմ, բայց Մինսկի խմբում իմ գործընկերն է, եւ ես չեմ կարող խոսել բանակցային գործընթացի բովանդակության մասին»,-նշել է դեսպանը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Պատրաստվելով Օմանում մեր դեսպանության բացմանը. Կադրից դուրս
Ամբերդ ամրոց և Քարի լիճ տանող ավտոճանապարհները փակ են