Համաշխարհային օդերևութաբանական կազմակերպությունը թարմացրել է գլոբալ կանխատեսումը այս ձմռան համար
Հիդրոօդերևութաբանության և մոնիթորինգի կենտրոնը հրապարակել է Համաշխարհային օդերևութաբանական կազմակերպության կանխատեսումները 2025-2026 թթ. ձմռան վերաբերյալ:
2025 թվականի օգոստոսից մինչև հոկտեմբեր Համաշխարհային օվկիանոսի մակերևույթի ջերմաստիճանները շարունակել են մնալ միջինից բարձր։ Հատկապես տաքացել է Խաղաղ օվկիանոսի հյուսիսային մասը։ Իսկ հասարակածային գոտում օդի ջերմաստիճանը փոքր-ինչ նվազել է, սակայն ընդհանուր սեզոնային միջինները գրեթե զրոյական շեղման սահմաններում են եղել։ Այլ տարածաշրջաններում նույնպես նկատվել է Էլ Նինյոյի ինդեքսների թեթև անկում։ Չնայած այս տարբեր անոմալիաներին՝ օվկիանոսի և մթնոլորտի միջև պահպանվել են թույլ Լա Նինյային բնորոշ փոխազդեցությունները, որոնք առավել լավ են արտահայտվել տեղումների անոմալիաներով։
Կանխատեսումները ցույց են տալիս, որ 2025-2026 թվականների ձմռանը ծովի մակերևույթի ջերմաստիճանների անոմալիաները կթուլանան, ինչը համապատասխանում է Լա Նինյայի թույլ ազդեցության պայմաններին։ Սպասվում է, որ Խաղաղ օվկիանոսի արևմտյան շրջանում օդի ջերմաստիճանը կմնա միջինից բարձր, ինչն էլ կպահպանի արևելք-արևմուտք ուղղությամբ արտահայտված ջերմային հակադրությունը և կուժեղացնի հասարակածային գոտում Լա Նինյային բնորոշ մթնոլորտային գործընթացները։
ՀՕԿ-ի բազմամոդելային կանխատեսումները 2025-2026 թվականների ձմռան համար ցույց են տալիս, որ աշխարհում զգալիորեն բարձրացել է ցամաքի մակերևույթի միջինից բարձր ջերմաստիճանների հավանականությունը։ Միջինից բարձր ջերմաստիճանների բարձր հավանականություն է կանխատեսվում Հյուսիսային Ամերիկայի հարավային և հյուսիսարևելյան շրջանների, Կենտրոնական Ամերիկայի, Կարիբյան ավազանի, ինչպես նաև Հյուսիսային բևեռային շրջանների համար։ Հարավային կիսագնդում նման պայմաններ առավել հավանական են Նոր Զելանդիայում և Հարավային Ամերիկայի հարավում, իսկ Ավստրալիայում նկատվում է այդ հավանականության համեմատաբար թույլ աճ։
2025-2026 թվականների ձմռան տեղումների կանխատեսումները Խաղաղ օվկիանոսի հասարակածային գոտում նույնպես համապատասխանում են թույլ Լա Նինյայի պայմաններին։ Տեղումների աճ կանխատեսվում է Հյուսիսային Ամերիկայի հյուսիսում, Կենտրոնական Ամերիկայի հարավում, Կարիբյան ավազանում, ինչպես նաև Հյուսիսային Եվրոպայում և Հյուսիսային Ասիայում՝ 50° հյուսիսային լայնությունից բարձր։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ