Թիլերսոնը աջակցություն կհայտնի Վրաստանի հետ համագործակցության ընդլայնմանը

Վրաստանի ԱԳ նախարար Միխայիլ Ջանելիձեն կհանդիպի ԱՄՆ պետքարտուղար Ռեքս Թիլերսոնի հետ ՆԱՏՕ-ի նախարարական հանդիպման ժամանակ, որը մոտ օրերս կկայանա Բրյուսելում։ Այս մասին հաղորդում է «Նովոստի Գրուզիան»-ն։

ՆԱՏՕ-ի անդամ պետությունների եւ գործընկեր երկրների արտաքին գործերի նախարարների հանդիպումը տեղի կունենա դեկտեմբերի 5-6-ին Բրյուսելում։ Հանդիպման գլխավոր թեման ալյանսի «բաց դռների քաղաքականությունն է եւ ՆԱՏՕ–ի անդամակցությանը ձգտող երկրների հետ համագործակցությունը։

Ինչպես ասվում է պետդեպարտամենտի հաղորդագրության մեջ, ԱՄՆ պետքարտուղարը կհանդիպի Ջանելիձեի հետ, որպեսզի Վաշինգթոնի աջակցությունը հայտնի Վրաստանի եւ ՆԱՏՕ-ի միջեւ համագործակցության ընդլայնմանը:

Բրյուսելում Թիլերսոնը կհանդիպի նաեւ ԵՄ Արտաքին գործերի եւ անվտանգության քաղաքականության հարցերով բարձրագույն հանձնակատար Ֆեդերիկա Մոգերինիի եւ ՆԱՏՕ-ի գլխավոր քարտուղար Յենս Ստոլտենբերգի հետ:

Լուրեր Հայաստանից - NEWS.am

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք