Ես բարձր եմ գնահատում նախագահ Թրամփին և նրա թիմին hրադադարի նորացված hամաձայնագիրն ավարտին հասցնելու իրենց աշխատանքի համար. Բայդեն

«Ես խորապես երախտապարտ եմ և թեթևացած, որ այս օրը եկել է ողջ մնացած վերջին 20 պատանդների համար, որոնք անցել են անհավանական դժոխքի միջով և վերջապես վերամիավորվել իրենց ընտանիքների և սիրելիների հետ, և Գազայի խաղաղ բնակիչների համար, որոնք կրել են անասելի կորուստներ և վերջապես հնարավորություն կունենան վերականգնելու իրենց կյանքը», - գրել է նախկին նախագահը:

Բայդենի խոսքով իր վարչակազմը ևս աշխատել է Գազայի հատվածում պատերազմի դադարեցման ուղղությամբ, և դա հաջողվել է ավարտին հասցնել Թրամփի թիմին. «Այս համաձայնագրի ճանապարհը հեշտ չէր։ Իմ վարչակազմն անխոնջ աշխատել է պատանդներին տուն վերադարձնելու, պաղեստինցի քաղաքացիական անձանց օգնություն տրամադրելու և պատերազմը դադարեցնելու համար։ Ես բարձր եմ գնահատում նախագահ Թրամփին և նրա թիմին հրադադարի նորացված համաձայնագիրն ավարտին հասցնելու իրենց աշխատանքի համար»:

Հիշեցնենք, որ Շարմ էլ Շեյխում Թրամփը Եգիպտոսի, Թուրքիայի և Կատարի ղեկավարների հետ ստորագրել է փաստաթուղթ Գազայի հատվածում հրադադարի վերաբերյալ։