Երկկողմ հարաբերությունների կարգավորմանն ուղղված առաջին քայլը պետք է անի ԱՄՆ-ն․ ՌԴ ԱԳՆ
ԱՄՆ նոր վարչակազմի գիրկը շտապելու կոչերը հակաարդյունավետ են և բխում են Սպիտակ տան նոր թիմի հետ ամեն գնով համաձայնության գալու անհրաժեշտության կեղծ նախադրյալից: Երկկողմ հարաբերությունների կարգավորմանն ուղղված առաջին քայլը պետք է անի ԱՄՆ-ը։ Այս մասին ճեպազրույցում հայտարարել է ՌԴ փոխարտգործնախարար Սերգեյ Ռյաբկովը, մեջբերում է ՌԴ ԱԳՆ մամուլի ծառայությունը, գրում է EAdaily-ն։
Ռյաբկովն այսպես է պատասխանել այն հարցին, թե կարելի՞ է եզրակացնել, որ Ռուսաստանն ինքը «հայեցակարգային և գաղափարապես» շրջվել է Արևմուտքից և այժմ բաց է թողնում Ուկրաինայի հարցում Դոնալդ Թրամփի հետ համաձայնության գալու հնարավորությունը։
«Ինչպես ասաց ՌԴ նախագահը, մենք իսկապես ցանկանում էինք ազնիվ գործընկերություն Արևմուտքի հետ, բայց նրանք մեզ չլսեցին և սկզբունքորեն չէին ուզում լսել հենց այն պատճառով, որ սկզբնական նպատակն էր հնարավորինս թուլացնել աշխարհաքաղաքական թշնամուն՝ օգտվելով այն ժամանակվա խորհրդային ղեկավարության քաղաքական անհեռատեսությունից։ Ռուսաստանը կարողացավ գոյատևել և վերականգնել իր արժանի տեղը գլոբալ աշխարհաքաղաքականության մեջ՝ տապալելով Բայդենի վարչակազմի ծրագրերը, որոնք նպաստում էին լիբերալ-գլոբալիստական «կանոնների վրա հիմնված աշխարհակարգին», Մոսկվային հիբրիդային պատերազմում մինչև «վերջին ուկրաինացին» «ռազմավարական պարտության» հասցնելու:
Այս կուրսի ձախողման և վարչակազմի փոփոխության պայմաններում երկկողմ հարաբերությունների կարգավորմանն ուղղված առաջին քայլը՝ փոխադարձ հարգանքի և հավասարության սկզբունքների վրա հիմնված բանակցությունների նպատակով, պետք է կատարի Միացյալ Նահանգները։ Մենք բաց ենք երկխոսության համար, պատրաստ ենք կոշտ սակարկության ռեժիմով բանակցել՝ հաշվի առնելով «տեղում» իրողությունները և պատմությամբ ու աշխարհագրությամբ կանխորոշված մեր ազգային շահերը։
«Այնպես որ, որոշումներն ու ընտրությունը Թրամփի ու նրա թիմի վրա է», - ասել է Ռյաբկովը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...