Սաուդյան Արաբիան կբարձրացնի նավթի գները ԱՄՆ-ի, Ասիայի և Եվրոպայի համար

Ասիա մատակարարվող հիմնական՝ Arab Light ապրանքանիշի գինը մեկ բարելի դիմաց կբարձրանա 2,4 դոլարով։ Սա ամենաբարձր դինամիկան է 2022 թվականի օգոստոսից ի վեր։Այս գնաճի արդյունքում Arab Light նավթի մեկ բարելի գինը 3,9 դոլարով կգերազանցի Օման/Դուբայ նավթային զամբյուղի գինը։

Նախորդ ամիս ռուսական նավթի դեմ ԱՄՆ-ի խիստ պատժամիջոցները ստիպել են ասիական վերամշակողներին շտապել այլընտրանք գտնելու հարցում: Մերձավոր Արևելքի նավթը տեղակայման և որակի առումով ամենամոտ այլընտրանքն է, ինչը հանգեցրել է տարածաշրջանի հումքի գնի բարձրացման: