«Մինչև 2050 թվականը Հայաստանի զարգացման ռազմավարությունը մնացել է թղթի վրա, իսկ իշխանությունները զբաղված են անիրականանալի՝ Խաղաղության խաչմերուկի ծրագրերով։
Նիկոլ Փաշինյանը 2020 թվականի սեպտեմբերի 21-ին՝ Հայաստանի անկախության 29-ը ամյակի օրը՝ պատերազմից 6 օր առաջ, հանրությանը դիմելով՝ ասաց. «Համաձա՞յն եք արդյոք, որ Հայաստանի Հանրապետությունը լինի ժողովրդավարական անկախ պետություն՝ ԽՍՀՄ կազմից դուրս»։
Հետո հանրության դատին հանձնեց մինչև 2050 թվականը Հայաստանի զարգացման ռազմավարությունը։«Ժողովուրդ» օրաթերթը փորձել է հասկանալ, թե զարգացման ռազմավարության որ կետերն ինչ փուլում են։
Այսպիսով, ահա այդ ռազմավարության կետերից մի քանիսը․Հայաստանի բնակչության աճ՝ մինչև 5 մլն մարդ:
Համաձայն Վիճակագրական կոմիտեի տվյալների՝ Հայաստանում մշտական բնակչության թվաքանակը 2024-ի հունվարի 1-ի դրությամբ կազմել է 2,99 մլն մարդ, որը 2023-ի հունվարի 1-ի դրությամբ արձանագրված ցուցանիշից ավելի է 53 հազարով:
Հարկ է նշել, որ այս աճը գրանցվել է օտար երկրներից Հայաստան եկած և քաղաքացիություն ստացած ռուսների, հնդիկների և այլ ազգերի ներկայացուցիչների շնորհիվ։
1,5 մլն նոր աշխատատեղերի ստեղծում և աղքատության հաղթահարում։2022 թվականին աղքատության միջին գծով ցուցանիշը կազմել է 24.8%։2023 թվականին այդ ցուցանիշը նվազել է՝ հասնելով 23.7%-ի։ 2024 թվականի տվյալները դեռևս չեն հրապարակվել։
2024 թվականի նոյեմբերին գրանցված աշխատատեղերի թիվը կազմել է 782,832։Այս ցուցանիշների դանդաղ աճող տեմպը խոստումնալից երազանքների կատարման համար շատ հեռու է իրականությունից։
ՀՆԱ ավելացում՝ 20 անգամ, միջին աշխատավարձի աճ՝ 7 անգամ2023 թվականին Հայաստանի տնտեսությունը աճել է 7%-ով։
2024 թվականի առաջին եռամսյակում ՀՆԱ-ի ծավալը կազմել է 1,922,939.6 մլն դրամ, ինչը 2.6 տոկոսային կետով պակաս է նախորդ տարվա նույն ժամանակահատվածի համեմատ։
Առողջ ապրելակերպի վերածումն ազգային առանձնահատկության։Առողջ ապրելակերպը քարոզում է վարչապետը՝ հեծանիվ վարելով, սակայն ամեն օր ՀՀ արտաքին հարաբերությունների դարավոր թելը կտրելով։
Կյանքի ակնկալվող տևողության բարձրացում մինչև 90 տարեկան։Հայաստանում երկարակեցության ցուցանիշը 77,7 տարի է․ տղամարդիկ կանանցից մի քանի տարի քիչ են ապրում։
Մեկ զինծառայողի ներուժի տեսանկյունից աշխարհի ամենամարտունակ բանակի առկայություն։Այս հայտարարությունից 6 օր անց Հայաստանը տվեց 5000 զոհ և պարտվեց պատերազմոմ։ Առանց այդ էլ գլխատված բանակը գրեթե 5 տարի է՝ դժվարանում է ոտքի կանգնել։
Հետախուզական ծառայության ձևավորում, որը կներառվի աշխարհի առավել արդյունավետ հետախուզական ծառայությունների տասնյակում։
Երկու օր առաջ հեղափոխական իշխանության կողմից ստեղծված Արտաքին հետախուզությունը զեկույց հրապարակեց, որը հանրության համար ընդունելի չեղավ։
Համացանցում օգտատերերը պնդում էին, որ այդ զեկույցը նման է 70 հազար դրամով դիպլոմային աշխատանք գրելուն. այն չի կարելի անվանել լուրջ հետախուզական զեկույց։Կրթության վերածումն ազգային կենսակերպի։
Իշխանությունը ամեն բան փորձում է անել՝ վերացնելով կրթական նախկին հաստատված նորմերը։ Կառավարությունը 2 տրիլիոն դրամ պատրաստվում է ներդնել Ակադեմիական քաղաքի կառուցման համար, որը բարձրագույն կրթության կործանումն է։
Համալսարաններին սպառնում է միացման վտանգը, իսկ մշակութային շենքերից հանվեց ազգային բառը։Հայաստանի վերածումը բարձր տեխնոլոգիաների երկրի։Այս նպատակին հասնելու ճանապարհը «Հայասաթ 1-ն» էր, որը թռիչքից հետո՝ տիեզերք հայտնվելուն պես, ոչ միայն խափանվեց և չկատարեց իր առաքելությունը, այլև խնդիրներ առաջացրեց օտարերկրյա պետությունների արբանյակների համար։
Հենց այսպես էլ մինչև 2050 թվականի ռազմավարական զարգացման հայեցակարգը անցել է պատմության գիրկը»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...