TikTok-ը ողջունել է այն օգտատերերին, որոնք բացել են հավելվածը շաբաթ երեկոյան հետևյալ հաղորդագրությամբ. «Ներողություն, TikTok-ն այս պահին անհասանելի է:
ԱՄՆ-ում ուժի մեջ է մտել TikTok-ն արգելող օրենքը։ Ցավոք սրտի, սա նշանակում է, որ առայժմ չեք կարող օգտագործել այն: Մեր բախտը բերել է, որ նախագահ Թրամփը հասկացրել է, որ պաշտոնը ստանձնելուց հետո կաշխատի մեզ հետ TikTok-ը վերականգնելու հարցը լուծելու համար: Խնդրում ենք, հետևեք թարմացումներին»,- նշվում է տեսահարթակի հաղորդագրության մեջ:
Օգտատերերին նաև առաջարկվել է փակել հավելվածը կամ ավելին իմանալ: Կայքի նպատակային էջի հաղորդման մեջ եղել է լրացուցիչ տող, որը տեղեկացնում էր օգտատերերին, որ նրանք դեռ կարող են մուտք գործել համակարգ՝ իրենց տվյալները ներբեռնելու համար:
Հավելվածը հեռացվել է նաև ԱՄՆ-ում Apple և Google հավելվածների խանութներից՝ այն անհասանելի դարձնելով ներբեռնման համար:
TikTok-ն ԱՄՆ-ում ունի 170 միլիոն օգտատեր։
Չինական Bytedance ընկերության այլ հավելվածներ, այդ թվում՝ Cap Cut, Lemon 8 և Gauth, նմանատիպ հաղորդագրություններ են տեղադրել և նույնպես անհասանելի էին շաբաթ երեկոյան ԱՄՆ-ում շատ օգտատերերի համար:
Ապրիլին ԱՄՆ նախագահ Ջո Բայդենը օրենք էր ստորագրել, որը պարտադրում էր TikTok-ի չինական ByteDance մայր ընկերությանը վաճառել TikTok-ը ոչ չինացի սեփականատիրոջ, հակառակ դեպքում այն կարգելվի:
Գերագույն դատարանն ուրբաթ օրն ուժի մեջ է թողել օրենքը՝ ճանապարհ հարթելով ԱՄՆ-ում հավելվածի փակման համար։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...