Գրենլանդիան չի ցանկանում լինել ԱՄՆ-ի կազմում, բայց պատրաստ է բիզնես գործարքի. նախարար

Սյունակի հեղինակն ընդգծել է Գրենլանդիայի տնտեսական ներուժը և ամերիկյան ընկերություններին հրավիրել ավելի սերտ համագործակցության։ Նաթանիելսենը նշել է, որ կղզին ունի 50 օգտակար հանածոներից 39-ը, որոնք ԱՄՆ-ի կողմից սահմանվել են որպես խիստ կարևոր: Կողմերը համագործակցում են այս ոլորտում, իսկ վերջին պայմանագիրը ստորագրվել է 2019 թվականին Դոնալդ Թրամփի օրոք։

«Ներկայումս Գրենլանդիայում հանքարդյունաբերության լիցենզիաների մեծ մասը պատկանում են Կանադայի և Մեծ Բրիտանիայի ընկերություններին: ԱՄՆ-ն ունի միայն մեկը, բայց ես վստահ եմ, որ պատկերը կարող է փոխվել»,- եզրափակել է նախարարը։

Հունվարի 7-ին Թրամփը հայտարարել էր, որ Գրենլանդիան պետք է դառնա ԱՄՆ-ի մաս՝ ազգային անվտանգությունն ապահովելու համար։ Դեռևս 2019-ին, իր առաջին նախագահական ժամկետում, նա նշել էր, որ Միացյալ Նահանգները կարող է գնել Գրենլանդիան, որը Դանիայի կազմում գտնվող տարածք է և ունի ինքնավարության լայն իրավունքներ։ Գրենլանդիայի և Դանիայի իշխանությունները հայտարարել են այս գաղափարի անհեթեթության մասին: