ՌԴ-ի և ԱՄՆ-ի փակուղային հարաբերությունները չեն վնասել ԼՂ հակամարտության կարգավորման շուրջ համագործակցությանը. Լավրով
Չնայած ՌԴ-ի և ԱՄՆ-ի խորը տարաձայնություններին՝ Լեռնային Ղարաբաղի հակամարտության կարգավորման ուղղությամբ համագործակցությունը վնաս չի կրել: Այդ մասին հայտարարել է պաշտոնական այցով Բաքվում գտնվող Ռուսաստանի արտգործնախարար Սերգեյ Լավրովը, հաղորդում է «ՌԻԱ Նովոստի»-ն:
«Ոչ մի ձև չի ազդում: Ղարաբաղյան կարգավորումը բացառիկ է միջնորդ երկրների տեսանկյունից նրանով, որ չնայած խորը տարաձայնություններին, որոնք այժմ կուտակվել են մեր հարաբերություններում, նախևառաջ կոնգրեսի և Դեմոկրատական կուսակցության, Հանրապետական կուսակցության զգալի մասի ռուսաֆոբական քաղաքականության պատճառով… Իհարկե, շատ ոլորտներում հարաբերությունները խորը փակուղու մեջ են, բայց ղարաբաղյան կարգավորման շուրջ համագործակցությունը չի տուժել մեր երկկողմ հարաբերություններում տեղի ունեցող զարգացումների պատճառով»,- ասել է Լավրովը:
Ինչպես հաղորդում է ԱՊԱ գործակալությունը, Լավրովը նաև հայտարարել է, որ Ռուսաստանը հանդես է գալիս ԱՄՆ-ի և Ֆրանսիայի հետ ընդհանուր դիրքերից:
«Համանախագահները, դեսպանները հանդիպում են նախարարների հետ, պարբերաբար այցեր են կատարում տարածաշրջան: Ես հուսով եմ, որ անցած ամիս նախագահների միջև կայացած հանդիպումը կնպաստի հակամարտության կարգավորման գործընթացում առաջընթացին»,- ասել է ՌԴ արտգործնախարարը:
Հիշեցնենք, որ ՌԴ արտգործնախարար Սերգեյ Լավրովը նոյեմբերի 20-21-ին Հայաստան իր այցի ընթացքում հանդիպումներ կանցկացնի Հայաստանի Հանրապետության նախագահ Սերժ Սարգսյանի և արտգործնախարար Էդվարդ Նալբանդյանի հետ և կքննարկի Լեռնային Ղարաբաղի հակամարտության կարգավորման հեռանկարները:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Պատրաստվելով Օմանում մեր դեսպանության բացմանը. Կադրից դուրս
Ամբերդ ամրոց և Քարի լիճ տանող ավտոճանապարհները փակ են