Եկել էր իմ համերգին, ծափ էր տալիս, ուրախանում էր
«Հրապարակ» թերթը գրում է.
«Վարչապետի կինը` Աննա Հակոբյանը, որ վերջին շրջանում ակտիվացել է եւ հանրային հարթակներից դուրս չի գալիս` գերազանցելով սելֆիների ու լայվերի մեծ մասնագետ իր ամուսնուն, փորձում է տարբեր շրջանակների հետ ուղիղ շփումների միջոցով կապեր հաստատել: Նա մե՛կ իր մոտ է հավաքում ինչ-որ անհայտ կանանց ու տղամարդկանց` կրթվելու դասեր տալիս նրանց, մե՛կ հանքարդյունաբերողներին է դասեր տալիս, մե՛կ հաջողակ տղամարդկանցից է փող գանձում` նրանց հետ ընթրելու անվան տակ: Իսկ Ամանորին մոտ նա տոնավաճառ է ուզում անել եւ առաջարկում է մասնակցել այդ տոնավաճառին` 500 հազարից մինչեւ 1,5 միլիոն դրամ ներդրում անելով եւ վիճակահանության մասնակցելով:
Օրերս էլ նա Երեւանի Կոմիտասի անվան կամերային երաժշտության տանը ներկա է եղել «Հովեր» կամերային երգչախմբի համերգին, որը նվիրված էր կոմպոզիտոր Ռոբերտ Ամիրխանյանի ու խմբավար Դավիթ Ղազարյանի հոբելյաններին: Պատվավոր հյուրերի թվում էին նաեւ հոբելյարները: «Ես այսպիսի ելույթ չեմ պատկերացնում»,- իր «Այնպես ուզում եմ» երգի նորովի կատարումը լսելուց հետո ասել է Ամիրխանյանը: Համերգից հետո Աննա Հակոբյանն իր էջում գրել էր. «Կարծում եմ՝ «Հովեր»-ի համերգներին պետք է ամենամեծ դահլիճներում անգամ տեղուդադար չլինի, որովհետեւ սեփական անձի հանդեպ մեղք է այս որակի արվեստին հաղորդակից չդարձնելը, առավել եւս, երբ այն այսքան մոտ է, այսքան հասանելի է եւ վերջապես Մե՛րն է»:
Համացանցում տարածվեցին նրա եւ կոմպոզիտոր Ռոբերտ Ամիրխանյանի գրկախառնություն, ողջագուրանքը պատկերող լուսանկարները, ինչը խիստ զայրացրել է հանրության մի ստվար զանգվածի, եւ մարդիկ քննադատում են Ամիրխանյանին, գրում են, որ իրական մտավորականը երբեք չպետք է նման քստմնելի եւ շողոքորթ կեցվածք ունենա, հատկապես այն դեպքում, երբ նախկին իշխանությունների հետ ջերմ հարաբերություններ է ունեցել, նրանցից մրցանակներ է ստացել, երկար ժամանակ որպես ընդդիմադիր է ներկայացել եւ այլն: «Հրապարակը» մի քանի հարց ուղղեց Ռոբերտ Ամիրխանյանին:
- Երեկվանից մարդիկ քննադատում են Ձեզ այն բանի համար, որ գրկախառնվել եք Աննա Հակոբյանի հետ: Այդ արձագանքներին ծանո՞թ եք:
- Ես ուրիշի քայլերը չեմ կարող քննարկել, ով ինչ ուզում, գրում է: Բայց մարդը երբեք իրեն հարց չի տալիս՝ սխա՞լ է ինքը, թե՞ ոչ, ով ինչ ուզում է, ասում է: Աննա Հակոբյանը եկել էր իմ համերգին, ծափ էր տալիս, ուրախանում էր եւ վերջում մոտեցավ ինձ, ես ի՞նչ պետք է պատասխանեմ նրան»:
Մանրամասները՝ թերթի այսօրվա համարում։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է