Հրդեհը բռնկվել է Ուեսթոն քաղաքի մեծ լճակի մերձակայքի՝ նահանգի մայրաքաղաք Հարթֆորդից 65 մղոն հարավ-արևմուտքում գտնվող առանձնատանը:
Հրդեհի պահին առանձնատանը մոտ 40 մարդ է եղել, երկուշաբթի USA Today-ին հայտնել է Ուեսթոնի հրշեջ ծառայության ղեկավար Ջոն Պոկորնին:
Ըստ Պոկորնիի՝ հրդեհից ոչ մի մարդ վնասվածք չի ստացել:
Գործակալության տվյալներով՝ հրշեջ բրիգադներն անհապաղ արձագանքել են հինգշաբթի տեղական ժամանակով ժամը 15:42-ին Ուեսթոն Ռուոդից ստացված ահազանգին:
Հրշեջները ժամանելուց հետո ավտոտնակում խոշոր հրդեհ են հայտնաբերել, որն ակնթարթորեն տարածվել է աանձնատան մեջ:
Հրդեհի բռնկվելուց հետո տան բոլոր մարդիկ ինքնուրույն տարհանվել են, USA Today-ին հայտնել է հրշեջ ծառայության հանրային կապերի բաժնի աշխատակից Ռայան Բլեյքը։
«Հրշեջները ագրեսիվ գորհ են ձեռնարկել կրակը հանգցնելու համար, սակայն հրդեհային վտանգավոր պայմանների և կառուցվածքային փլուզումների պատճառով նրանց ջանքերն ապարդյուն են անցել: Բացի դրանից, ինչ-որ ավտոմեքենա Ուեսթոն Ռոուդում անցել է վնասել է ջրամատակարարման շլանգը՝ գիծը, ինչի հետևանքով վնասել է ջրագիծն ու մի քանի րոպեով ջրամատակարարումը լիովինդադարեցվել է»,- ասվում է գործակալության հաղորդագրության մեջ։
Գործակալության տվյալներով՝ հրշեջ անձնակազմը կրակի դեմ պայքարել է ավելի քան 16 ժամ:
«Հրդեհի պատճառները շարունակում են հետաքննել Ուեսթոնի հրշեջ մարշալը, սակայն նախնական հետաքննությունը ցույց է տալիս, որ հրդեհը բռնկվել է ավտոտնակում և հնդկահավը խորովելու պատճառով է եղել»,- գրել է գործակալությունը։
Ըստ Բլեյքի՝ առանձնատունը ճանաչվել է բնակության ահամար ոչ պիտանի և լիովին կորսված:
Նշվում է, որ 11 ննջասենյակով, 9,5 լոգասենյակով և 9378 քառ մետր մակերեսով առանձնատունը գնվել էր 4 միլիոն 16 հազար 800 դոլարով։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է