Շոլցն արձագանքել է Մասկի` իրեն հրապարակավ «հիմար» անվանելը
Գերմանիայի կանցլեր Օլաֆ Շոլցը հեգնանքով մեկնաբանել է ամերիկացի ձեռնարկատեր Իլոն Մասկի` հրապարակավ իրեն «հիմար» անվանելը։ Գերմանիայի կառավարության ղեկավարն ասել է, որ այդ հայտարարությունը «պատիվ է բերում իրեն»: Այս մասին գրում է kommersant.ru-ն:
Ավելի վաղ Մասկը Գերմանիայում իշխող կոալիցիայի փլուզման ֆոնին X սոցիալական ցանցում հրապարակման մեջ կանցլերին անվանել էր «հիմար»։ Ի պատասխան սրան՝ Օլաֆ Շոլցը Բուդապեշտում Եվրոպական քաղաքական համայնքի գագաթնաժողովում կայացած մամուլի ասուլիսում ասել է, որ խոշոր բիզնեսի ներկայացուցիչները պետական պաշտոնյաներ չեն, ուստի ինքը Իլոն Մասկի խոսքերը հաշվի չի առնում։
«Սա (Մասկի գնահատականը-Խմբ.) ինձ պատիվ է բերում»,- ասել է կանցլերը ARD հեռուստաալիքին տված հարցազրույցում։
Շոլցը մտադիր է 2025 թվականի սկզբին Բունդեսթագից վստահության քվե խնդրել, ինչը թույլ կտա մարտին Գերմանիայում արտահերթ ընտրություններ անցկացնել։ Ընդդիմադիր Քրիստոնեա-դեմոկրատական միության (ՔԴՄ) առաջնորդ Ֆրիդրիխ Մերցը կանցլերից պահանջել է այդ քայլին գնալ մինչև դեկտեմբերի 25-ը, որպեսզի քվեարկությունը տեղի ունենա հունվարին։
Գերմանիայում իշխող կոալիցիան փլուզվել է նոյեմբերի 7-ին։ Դա տեղի է ունեցել, քանի որ կողմերին չի հաջողվել համաձայնության գալ դաշնային բյուջեի շուրջ։ Գերմանիան այժմ կառավարվում է սոցիալ-դեմոկրատների և կանաչների փոքրամասնության կառավարության կողմից:
Գերմանիայի փոխկանցլեր և էկոնոմիկայի նախարարության ղեկավար Ռոբերտ Հաբեկը (Կանաչներ) պարզաբանել է, որ Ուկրաինային ֆինանսական աջակցության հարցում տարաձայնություններն են հանգեցրել կոալիցիայի փլուզմանը։ Գերմանիայի ֆինանսների նախարար Քրիստիան Լինդները հրաժարվել է 2025 թվականի բյուջեի շրջանակում ավելացնել Կիևին տրամադրվող օգնության չափը։ Դրա հետևանքով Օլաֆ Շոլցն աշխատանքից ազատել է նրան։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Կձգտենք խփել այնքան գոլ, որքան մեզ անհրաժեշտ կլինի. Սպերցյան