Տարածքների շուրջ առևտուր չի լինելու. Զելենսկին՝ ՌԴ-ի հետ խաղաղության հաստատման մասին
Ուկրաինայի նախագահ Վլադիմիր Զելենսկին պնդում է, որ Ուկրաինայում «հուսալի խաղաղություն» հնարավոր է միայն միջազգային իրավունքի հիման վրա և առանց ինքնիշխանության կամ տարածքի առևտրի։ Այս մասին նա հայտարարել է երեկոյան տեսաուղերձում։
«Այն ամենը, ինչ նշված է «հաղթանակի ծրագրում», բացարձակապես իրական է մեր գործընկերների համար: Աշխարհում կա այս ռեսուրսը, հզորացման ռեսուրս, որը մեզ թույլ կտա առաջ շարժվել «խաղաղության բանաձևով»: Մեր խնդիրն է՝ երաշխավորել Ուկրաինային հուսալի խաղաղություն, երկարաժամկետ անվտանգություն, դա հնարավոր է բացառապես միջազգային իրավունքի հիման վրա և առանց ինքնիշխանության կամ տարածքների առևտրի, ճիշտ այնպես, ինչպես նախատեսված է «խաղաղության բանաձևով»», - ասել է նա:
Զելենսկին հիշեցրել է, որ Ուկրաինային անհրաժեշտ է «իրական, արդար խաղաղություն, երաշխավորված պաշտպանություն պատերազմից»։ Նրա խոսքով, դա հնարավոր է միայն ամուր դիրքերում և միայն այն դեպքում, երբ ուկրաինացի ժողովուրդն ու գործընկերներն իսկապես միասնական լինեն։
«Մենք հենց դրա համար ենք աշխատում»,- ասել է նախագահը։
Օրերս Financial Times թերթը, վկայակոչելով իրազեկ աղբյուրներ, գրել էր, որ արևմտյան դիվանագետները և Ուկրաինայում ավելի ու ավելի շատ պաշտոնյաներ, իբր, համաձայնության են գալիս այնգաղափարի շուրջ, որ Ուկրաինայում պատերազմը դադարեցնելու ամենահավանական փոխզիջումը կարող է լինել այն սխեման, որում Կրեմլը դե ֆակտո, բայց ոչ դե յուրե կպահպանի ուկրաինական օկուպացված տարածքները, իսկ Կիևը դրա դիմաց կստանա ՆԱՏՕ-ին անդամակցության և անվտանգության երաշխիքներ դաշինքից:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Արսեն Զախարյանի տրանսֆերային արժեքն աճել է
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն