Հայաստանը Ֆրանսիայում դեսպանության նոր շենք է գնել 23 միլիոն եվրոյով

Աշխատանքային այցով Ֆրանսիայում գտնվող Նիկոլ Փաշինյանն իր ֆեյսբուքյան էջում տեսանյութ է հրապարակել, որում ցույց է տալիս Ֆրանսիայում ՀՀ դեսպանության նոր շենքը՝ գնված 23 միլիոն եվրոյով։
«Պարզվում է, սա Ֆրանսիայի նախկին նախագահ Վալերի Ժիսկար դ՛Էստենի կեցավայրն է եղել: Մենք ձեռք ենք բերել 23 մլն եվրոյով»,–ասել է նա։
Նիկոլ Փաշինյանը ՀՀ Արտաքին գործերի նախարար Արարատ Միրզոյանի և Ֆրանսիայում ՀՀ արտակարգ և լիազոր դեսպան Հասմիկ Տոլմաջյանի ուղեկցությամբ է այցելել ՀՀ դեսպանության համար ձեռք բերված նոր շենք:
«Ֆրանսիայում ՀՀ դեսպանության տեղակայման գործող շենքը սեփականության իրավունքով չի պատկանում ՀՀ-ին, այն անհատույց է օգտագործվում: Պայմանագրով տրամադրվել է 1995 թվականին: Հայաստան-Ֆրանսիա հարաբերությունների զարգացման, գործառույթների ընդլայնման արդյունքում ներկայիս շենքային պայմանները չեն բավարարում, քանի որ դեսպանությունում տեղակայված են նաև ՅՈՒՆԵՍԿՕ-ում, Ֆրանկոֆոնիայում ՀՀ մշտական ներկայացուցչությունները»,–հայտնում են վարչապետի աշխատակազմից: