Իսրայելի ավիահարվածներից մեկ օրում Լիբանանում 123 մարդ է զոհվել
Լիբանանի առողջապահության նախարարությունը տեղեկացրել է մեկ օրում իսրայելական ավիահարվածներից 123 մարդու զոհվելու մասին, ավիահարվածները կատարվել են կիրակի, երկրի տարբեր շրջաններում։
Elnashra պորտալի տեղեկացմամբ՝ զոհերի թիվը հասել է 123-ի, վիրավորվել է 359 մարդ։
Զոհերի ամենամեծ թվի մասին տեղեկությունները ստացվել են Այն Դելբա գյուղից, Սայդա քաղաքի մերձակայքում (60 կիլոմետր Բեյրութից հեռու)։ Ամփոփագրում նշվել է, որ զոհերի թիվն ավելացել է՝ 24-ից հասնելով 32-ի, վիրավորներինը՝ 29-ից 53-ի։ Հրթիռային հարվածի հետեւանքով լրիվ քանդվել է բնակելի տունը Էլ-Ֆուրքան մզկիթի կողքին։ Ականատեսները տեղեկացրել են, որ փրկարարները շարունակում են մաքրել փլատակները։ Սպանվածների թիվը կարող է ավելանալ։
Տիրում եւ նրա շրջակայքում զոհվել է 16 լիբանանցի, 115 հոգի վիրավորվել է։ Բինթ-Ջբեյլ օկրուգում զոհվել է 10 մարդ, 4 հոգի վիրավորվել է։ Երկրի հյուսիս-արեւելքում օրվա երկրորդ կեսին օդային գրոհներ են կատարվել 45 քաղաքների եւ գյուղերի վրա Բաալբեքում եւ Հերմելում։ Առողջապահության նախարարության տվյալներով՝ զոհերի թիվը այնտեղ կազմել է 33, վիրավորներինը՝ 47։ Տեղի իշխանությունները չեն նշել, թե արդյոք բոլոր զոհերը խաղաղ բնակիչներ են, եւ որքան է նրանց մեջ «Հեզբոլլահի» մարտիկների թիվը։
Արտակարգ իրավիճակների արագ արձագանքման կենտրոնի համակարգող, շրջակա միջավայրի նախարար Նասեր Յասինը սեպտեմբերի 29-ին Բեյրութի մամուլի ասուլիսում հայտնել է, որ փախստականների թիվը վերջին օրերին հասել է 250 հազարի։ Նրա խոսքով՝ նրանց մեծ մասին տրամադրվել է օթեւան տեղահանված անձանց 777 կենտրոններում, որոնք աշխատում են ամբողջ երկրում։
Դատավոր Մասիս Մելքոնյանը երիտասարդ կնոջ հետ է կապվել եւ հեռացել ընտանիքից
«Վաճառում էր իրեն ամուսնացածներին»․ Լեպսի նշանածը բացահայտել է Բոնիայի անցյալը
էս նախագիծը Երևան քաղաքի բնակիչներին տուգանքի մատերիալ նշնակելու մասին է․ Թադևոս Ավետիսյան
Պաշտպանական թիմը միջնորդություն է ներկայացրել Միքայել Սրբազանի նկատմամբ քրեական հետապնդումը դադարեցն...
Հերթը հասավ «պարականոն» սպառնալիքներին. ի՞նչ սպասել առաջիկայում
Վորոնեժում ձերբակալվել է ադրբեջանցի գործարար Յուսիֆ Խալիլովը. ԶԼՄ
Սերժ Սարգսյանի գաղտնի աջակցությունը Նիկոլ Փաշինյանին
ՀՀ իշխանությունն էլ է փչացնում Ռուսաստանի հետ հարաբերությունները
Ռիհաննան կիսամերկ լուսանկարներով ներկայացել է իր բրենդի համար
Ավտոմեքենան գլորվելով հայտնվել է դաշտամիջյան հատվածում․ կան զոհեր