Գիտնականները Տիբեթի սառցադաշտերում գիտությանն անհայտ հազարավոր հնագույն «զոմբի վիրուսներ» են հայտնաբերել

Գիտնականները հայտնաբերել են հազարավոր հնագույն «զոմբի վիրուսներ», որոնք սառույցի տակ արգելափակված են եղել լեռներում 20000 ֆուտ (6096 մ) բարձրության վրա:

Ենթադրվում է, որ հայտնաբերված 1700 վիրուսները 41000 տարեկան են և կարող են պատասխանել մարդկության պատմության վերաբերյալ բազմաթիվ կարևոր հարցերի:

Հետազոտողները հեռավոր Տիբեթի Գուլիա սառցադաշտում սառցե հանուկներ հավաքելիս ցնցող գտածո են հայտնաբերել:

Պարզվել է, որ վիրուսային գենոմների մեծ մասը միանգամայն անհայտ է համաշխարհային գիտությանը:

Հետազոտությունը, որի մասին հաղորդում է Nature Geoscience-ը, գիտնականներին հնարավորություն է տալիս պատկերացում կազմել, թե ինչպես են վիրուսները հարմարվել կլիմայի փոփոխությանը հազարամյակների ընթացքում: Սառույցի մեջ հայտնաբերված վիրուսների 97 տոկոսը նորություն էր գիտության համար: Այս հայտնագործությունը 50 անգամ ավելացրել է հավերժական սառույցի վիրուսների մասին եղած ներկայիս տեղեկությունների ծավալը: Հետազոտողները ուսումնասիրել են, թե ինչպես են փոխվել բակտերիաներ վարակող այս վիրուսները ժամանակի ընթացքում և ջերմաստիճանի տատանումների դեպքում 41000 տարվա ընթացքում:

NEWS.am-ը Telegram-ում