Որքա՞ն է վաստակում հեռահար բեռնափոխադրող վարորդը Ռուսաստանում

Ռուսաստանում հեռահար բեռնափոխադրող վարորդներն ամսական վաստակում են մոտ 300 հազար ռուբլի, դրա մասին հայտնում է «Известия»-ն՝ վկայակոչելով Ազգային ավտոմոբիլային միության փոխնախագահ Անտոն Շապարինին։ Միաժամանակ, ըստ նրա, այս ոլորտում կադրերի պակաս է զգացվում։

Մասնագետների պահանջարկն աճում է, իսկ առաջարկը՝ նվազում։ Ամենայն հավանականությամբ, աշխատավարձերը կբարձրանան, բայց դա էապես չի բարելավի իրավիճակը, քանի որ մասնագետների ֆիզիկական պակաս կա, նշել է փորձագետը։

«Грузавтотранс»-ի նախագահ Վլադիմիր Մատյագինը հայտարարնել է, որ Ռուսաստանում վարորդների, դրանց թվում՝ հեռահար բեռնափոխադրող վարորդների 20-25 տոկոս պակասի միտումը շարունակվում է, գրում է Газета.ру-ն։ Սա մեծապես պայմանավորված է նրանով, որ մարդիկ թոշակի են անցնում, իսկ երիտասարդները նախընտրում են աշխատել այլ ոլորտներում:

Երիտասարդներն այսօր ձգտում են այլ, ավելի հեշտ մասնագիտություններ ընտրել, հավելել է փորձագետը։ Վարորդ աշխատելը դժվար է թե՛ հոգեբանորեն, թե՛ ֆիզիկապես, միաժամանակ դա հանգեցնում է բազմաթիվ մասնագիտական ​​հիվանդությունների, ներառյալ՝ մեջքին առնչվող խնդիրների, նշել է նա։