ՀԴԲ. Թրամփի նկատմամբ սպանության փորձ կատարողը գործել է միայնակ
ՀԴԲ-ն կիրակի հայտնել է, որ Փենսիլվանիայում ԱՄՆ նախագահի թեկնածու Դոնալդ Թրամփի նախընտրական հանրահավաքում հրաձիգը գործել է միայնակ, և որ գործակալությունը դեռևս ակտիվորեն հետաքննում է կրակողի պատմությունը, այդ թվում՝ աշխատում է նրա հեռախոսին հասանելիություն ձեռք բերելու համար, հաղորդում է CNN-ը:
«Մենք աշխատում ենք հեռախոսին հասանելիություն ձեռք բերելու համար», - կիրակի ասաց ՀԴԲ-ի Պիտսբուրգի դաշտային գրասենյակի պատասխանատու Քևին Ռոզեկը: «Մենք հեռախոսն ուղարկեցինք Quantico-ի մեր լաբորատորիա»:
Ռոզեկը նաև ասաց, որ ՀԴԲ-ն «այս թեմայի հետ կապված որևէ գաղափարախոսություն չի հայտնաբերել», մինչդեռ զգուշացրել է, որ գործակալությունը «այս հետաքննության շատ վաղ փուլերում է»:
Ռոզեկը նաև ասել է, որ ՀԴԲ-ն «ներկայումս չունի որևէ արժանահավատ տեղեկություն՝ կապված կրակողի գործողությունների հետ՝ նախկին նախագահի հետ առերեսվելուց անմիջապես առաջ»: Նա հավելել է, որ կրակողի ընտանիքը համագործակցում է հետաքննության մեջ։
Հետաքննությունների դաշնային բյուրոյի գործակալը հաստատել է, որ կրակոցների ժամանակ օգտագործված զենքը օրինական կերպով գնված AR ոճի հրացան է։
Նա նաև ասաց, որ իրավապահները կասկածյալի մեքենայում հայտնաբերել են «կասկածելի սարք», որը «վնասազերծված է և հետազոտվում է»։
Իր հերթին, Վաշինգտոնում ՀԴԲ-ի շտաբ-բնակարանի հակաահաբեկչական բաժնի տնօրենի օգնական Բոբի Ուելսն ասել է, որ ՀԴԲ-ն հետաքննում է կատարվածը որպես սպանության փորձ, բայց նաև դիտարկում է միջադեպը որպես պոտենցիալ ներքին ահաբեկչություն:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին