2022 թ․ սեպտեմբերյան ագրեսիայի հետևանքով գտնվելու վայրն անհայտ 2 զինվորների ինքնությունը պարզվել է

2022 թ․ սեպտեմբերյան ագրեսիայի հետևանքով գտնվելու վայրն անհայտ 2 զինվորների ինքնությունը պարզվել է: Այս մասին  հայտնում են ՀՀ ՔԿ-ից։

«Արդեն տեղեկացրել ենք, որ Ադրբեջանի կողմից ՀՀ-ին փոխանցված՝ ենթադրաբար 2 հայ զինծառայողների մասունքների նույնականացման նպատակով 2022թ․ սեպտեմբերի 13-14-ին ՀՀ-ի դեմ սանձաազերծված ագրեսիվ պատերազմի առթիվ ՀՀ ՔԿ զինվորական քննչական գլխավոր վարչությունում նախաձեռնված քրեական վարույթի շրջանակներում նշանակվել են դիակի դատաբժշկական և դատագենետիկական փորձաքննություններ:

Փորձաքննության եզրակացություններն ստացվել են, որոնց արդյունքում 2022 թվականի սեպտեմբերյան ագրեսիվ պատերազմի հետևանքով գտնվելու վայրն անհայտ՝ ՀՀ ԶՈւ երկու զինծառայողների ինքնությունները պարզվել են։

2022 թվականի սեպտեմբերյան ագրեսիայի հետևանքով գտնվելու վայրն անհայտ անձ այլևս չկա»,-ասված է հաղորդագրությունում։

Հիշեցնենք, որ մինչև այժմ անհետ կորած էին համարվում 19-ամյա ժամկետային Թոռնիկ Սարգսյանն ու 33-ամյա պայմանագրային Շիրազ Խաչատրյանը։