Բայդենը Կիևին կտրամադրի ևս մեկ Patriot ՀՕՊ համակարգ

Ռուսաստանի օդային հարվածներից Ուկրաինայի պաշտպանությունն ամրապնդելու համար ԱՄՆ նախագահ Ջո Բայդենը ցանկանում է Կիևին տրամադրել ևս մեկ Patriot հակաօդային պաշտպանության համակարգ։ Ինչպես գրել է The New York Times (NYT) թերթը, վկայակոչելով ԱՄՆ վարչակազմի աղբյուրները, Սպիտակ տան ղեկավարն այս որոշումն ընդունել է անցյալ շաբաթ՝ բարձրաստիճան պաշտոնյաների հետ մի շարք հանդիպումներից հետո։

Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հրաժարվել է հաստատել այս տեղեկությունը։

Ըստ NYT-ի՝ Patriot համակարգը, որը պետք է փոխանցվի, այժմ գտնվում է Լեհաստանում և առաջիկա օրերին այն կարող է տեղակայվել Ուկրաինայի ճակատում։ Սա կլինի երկրորդ պաշտպանական համակարգը, որն ԱՄՆ-ն կտրամադրի Ուկրաինային։