Ֆրանսիացի քաղաքապետը կալանավորվել է «որովայնախոս» գուշակուհու վրա պետական ​​փողերը ծախսելու մեղադրանքով

Ֆրանսիայի հնագույն քաղաքներից մեկի քաղաքապետին ոստիկանությունը ձերբակալել է՝ հարկատուների գումարները «որովայնախոս» գուշակուհու վրա ծախսելու մեղադրանքով: Գուշակուհին «կախարդել է» քաղաքապետին՝ ստիպելով նրան հավատալ, թե ինքը կապ է հաստատել նրա հանգուցյալ հոր հետ։

Ըստ բրիտանական The Telegraph պարբերականի՝ ֆրանսիական միջերկրածովյան Ագդե քաղաքը հայտնի է իր բուռն սեքս-երեկույթներով, որոնք ամեն տարի գրավում են տասնյակ հազարավոր զույգերի ամբողջ մայրցամաքից:

Այժմ ազգային ուշադրության կենտրոնում է քաղաքի քաղաքապետ՝ ոստիկանության և գաղտնի ծառայության նախկին աշխատակից Ժիլ դ'Էտորեի նկատմամբ Սոֆյա Մարտինեսի համոզելու «կախարդական» լիազորությունների շուրջ սկանդալը:

Երկուսն էլ կալանքի տակ են մինչև հետաքննությունը: Մարտինեսին ներկայացված է փողերի մխսման մեղադրանք. Իր հերթին Դ'Էտորեն, որը Ագդեի քաղաքապետն է 2001 թվականից, մեղադրվում է գուշակի վրա հարկատուների հսկայական գումարներ վատնելու մեջ։

44-ամյա Մարտինեսը մահացածների հետ խոսելու ունակության համբավ ուներ և ուներ հաճախորդների երկար ցուցակ, ովքեր ցանկանում էին կապ հաստատել մահացած հարազատների հետ և օգտվել նրա «ընդունակություններից»՝ որպես «մեդիում, հիպնոթերապևտ և դարմանող»:

Նրա նկատմամբ առաջադրված մեղադրանքների թվում է հարկային խարդախությունը։ Ոստիկանները նրա տանը հայտնաբերել են մեծ քանակությամբ կանխիկ գումար։

Պնդում են, որ երբ 55-ամյա քաղաքապետը խնդրել է իրեն կապել հանգուցյալ հոր հետ, գուշակուհին զարմանալի ճշգրտությամբ նմանակել է հանգուցյալի ձայնը։

Դ'Էտորեն միաժամանակ պարբերաբար անանուն զանգեր էր ստանում մի մարդուց, որը պնդում էր, թե ինքը Միքայելն հրեշտակապետն է՝ Ագդեի սուրբը հովանավորը, որը խոսում էր «գերեզմանից ցասումնալից ձայնով» և նրան հորդորում պաշտպանել Սոֆյային և նրա մերձավորներին:

Քաղաքապետն այնքան է կապվել Մարտինեսի հետ, որ նրան իր դուստրն էր համարում։ Անցյալ տարի նույնիսկ թևանցուկ ուղեկցել է աղջկան դեպի եկեղեցու բեմ՝ նրա երրորդ շքեղ հարսանիքի ժամանակ, որն, ասում են, արժեցել է 80 հազար եվրո, որը վճարել է ինքը՝ Աղդեի քաղաքապետը:

Նրան վճարելու համար, ըստ մեղադրական եզրակացության, Դ'Էտորեն օգնություն է խնդրել քաղաքապետարանի աշխատակիցներից և քաղաքապետարանին առնչվող ընկերություններից՝ գործի դնելով կեղծ հաշիվ-ապրանքագրեր: