153 մլն ռուբլի. ՌԴ-ում բանկի փոխնախագահին թալանել են սեփական բանկում

«ՌոսԴորԲանկ»-ի փոխնախագահ Օլեգ Ժիգիլեյը ոստիկանություն հայտարարություն է ներկայացրել, որ իր բանկային ավանդատուփից գողացել են 153 մլն ռուբլի և զարդեր։ Այս մասին հայտնում է 78.ru-ն:։

Ժիգիլեյի խոսքով՝ նա «ՌոսԴորԲանկ»-ի ավանդատուփում է դրել 685 հազար եվրո, 369 հազար դոլար, 5 հազար շվեյցարական ֆրանկ և 50 ռուբլի անվանական արժեքով 50 ոսկե մետաղադրամ։

Բացի այդ, բանկի փոխնախագահը կորցրել է զարդեր, ժամացույցների հավաքածու և ճարմանդներ։

Նրա՝ ոստիկանություն դիմելուց հետո քրեական գործ է հարուցվել խարդախության հոդվածով։ Դեպքի բոլոր հանգամանքները այս պահին պարզվում են։