Ցանկացած հրեա, որը ձայն է տալիս դեմոկրատներին, ատում է Իսրայելը. Թրամփ

Հրեաները, որոնք քվեարկում են դեմոկրատների օգտին, «ատում են Իսրայելը և իրենց կրոնը», նման պահվածքը «սրբապղծություն է»: Այս մասին ԱՄՆ նախկին նախագահ Դոնալդ Թրամփը հայտարարել է պահպանողական բլոգեր Սեբաստիան Գորկայի հետ հարցազրույցի ժամանակ, գրում է Politico թերթը։

«Ես իսկապես կարծում եմ, որ նրանք ատում են Իսրայելը: Ցանկացած հրեա, որը ձայն է տալիս դեմոկրատներին, ատում է իր կրոնը... Նրանք ատում են Իսրայելի վերաբերյալ ամեն ինչ և պետք է ամաչեն իրենցից, քանի որ Իսրայելը կկործանվի»,- ասել է նախկին նախագահը։

Սպիտակ տունը, մեկնաբանելով Թրամփի ասածը, դա որակել է «թունավոր», իսկ նախագահ Ջո Բայդենի նախընտրական շտաբը Թրամփին մեղադրել է «աճող հակասեմականության ժամանակաշրջանում հրեա ամերիկացիների վրա հարձակվելու համար»:

«Միակ մարդը, որ պետք է այստեղ ամաչի, Դոնալդ Թրամփն է», - ասել է Բայդեն շտաբի խոսնակ Ջեյմս Սինգերը։