Ռուսաստանի հարձшկումը կասեցվել է. Զելենսկի

Ուկրաինացի զինվորներին հաջողվել է կասեցնել ռուսական զորքի առաջխաղացումը, և ինքնին իրավիճակը դարձել է շատ ավելի լավ, քան վերջին երեք ամիսներին։ Այս մասին Ուկրաինայի նախագահ Վլադիմիր Զելենսկին հայտարարել է BFM TV-ին տված հարցազրույցում։

«Մենք դժվարություններ ունեինք հրետանային զինամթերքի բացակայության, օդային շրջափակման, ռուսական հեռահար զինատեսակների և ռուսական անօդաչու թռչող սարքերի մեծ խտության պատճառով»,- նշել է պետության ղեկավարը։

Նրա խոսքով՝ «Ռուսաստանի հարձակումը կասեցվել է», իսկ թշնամու բանակը «կենսական մեծ թվով ուժեր կորցնելու փուլում է»։

Զելենսկին զգուշացրել է, որ նման հայտարարությունները կարող են կորցնել իրենց արդիականությունը «մեկ ամսից կամ մեկ շաբաթից», եթե Ուկրաինան բավարար օգնություն չստանա։