ԵՄ դեսպանները հրաժարվել են հանդիպել Լավրովի հետ
Մոսկվայում Եվրամիության երկրների դեսպանները հրաժարվել են ՌԴ ԱԳ նախարար Սերգեյ Լավրովի հետ առաջարկվող հանդիպումից։ Այս մասին հայտարարել է ինքը՝ Լավրովը։ ԵՄ ներկայացուցչությունից RBC-ին հայտնել են, որ մերժման պատճառը ՌԴ ԱԳՆ-ի նկատմամբ վստահության ցածր մակարդակն է։
Սերգեյ Լավրովն ասել է, որ եվրոպացի դիվանագետների հետ հանդիպումը պետք է նվիրված լիներ Ռուսաստանում կայանալիք նախագահական ընտրություններին։ Սակայն, Լավրովի խոսքով, նախատեսված միջոցառումից երկու օր առաջ ԱԳՆ-ն հաղորդագրություն է ստացել, որ դեսպանները չեն գա հանդիպման։
«Ի՞նչ եք կարծում. նախատեսված միջոցառումից երկու օր առաջ՝ հանդիպումից առաջ, մեզ գրություն ուղարկեցին՝ «Մենք որոշել ենք չգալ»։ Պատկերացնու՞մ եք դիվանագիտական մակարդակով հարաբերություններ այն երկրների հետ, որոնց դեսպանները վախենում են հանդիպման գալ այն երկրի նախարարի հետ, որտեղ հավատարմագրված են։ Որտե՞ղ եք նման բան տեսել»,- Սոչիում Երիտասարդության համաշխարհային փառատոնի շրջանակում կայացած քննարկման ժամանակ ասել է Լավրովը։
Նախարարը նաև պարզաբանել է, որ հանդիպմանը ցանկանում է դեսպանների հետ քննարկել այն տեղեկությունը, որ ԱԳՆ-ն կուտակել է, որ Մոսկվայում Եվրամիության երկրների դեսպանատներն իրենք են «պատրաստվում» նախագահական ընտրություններին, մասնավորապես, որ իբր մտադիր են. աջակցել ռուսական «ոչ համակարգային ընդդիմությանը» և կիրառել որոշակի «միջամտության մեխանիզմներ»։ Լավրովն ասել է, որ պատրաստվում է զգուշացնել օտարերկրյա դիվանագետներին նման գործողությունների մասին, սակայն նրանք հրաժարվել են մասնակցել։
Ռուսաստանում Եվրամիության մշտական ներկայացուցչությունը RBC-ին հաստատել է, որ ՌԴ ԱԳՆ-ն միջոցառմանը հրավիրել է եվրոպացի դեսպաններին, սակայն մերժումը պայմանավորված է «չափազանց ցածր վստահությամբ» և հրավերի օրակարգում առաջարկների բացակայության պատճառով:
«Մեզ հրավիրել էին քննարկելու ԵՄ-ի և Ռուսաստանի հարաբերությունները, բայց հիմա նախարար Լավրովն ասում է, որ խոսքը վերաբերում էր մեզ դասախոսություններ կարդալուն։ Սա վկայում է այն մասին, որ մենք ճիշտ ենք վարվել, որ մերժել ենք հրավերը»,- հավելել են ԵՄ պատվիրակությունից։
ԵՄ պատվիրակությունը նշել է, որ բացասական արձագանքի վրա ազդել է փետրվարի 16-ին կալանավայրում ռուս ընդդիմադիր քաղաքական գործիչ Ալեքսեյ Նավալնու մահը, ինչպես նաև այն փաստը, որ նրա մահվան պատճառների վերաբերյալ անկախ միջազգային հետաքննություն անցկացնելու ԵՄ կոչերը մնացին անտեսված։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Ամբերդ ամրոց և Քարի լիճ տանող ավտոճանապարհները փակ են
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...