Ջրային պարեկները լողալ են սովորում
ՆԳՆ մամուլի ծառայությունից տարածած հաղորդարության մեջ ասվում է․
«Փետրվարի 15-ին անցկացվել է Ջրային պարեկային ծառայություն ընդունելության դիմորդների լողալու կարողությունների մակարդակի ստուգման փուլը, որին մասնակցում էին նախապես հայտագրված պարեկները։
Ընդունելությունն անցկացրել է ՆԳ նախարարության ոստիկանության պետի հրամանով ստեղծված հանձնաժողովը, որի կազմում ներգրավված էին ինչպես պետական, այնպես էլ միջազգային կառույցների ներկայացուցիչներ:
Ջրային ստորաբաժանումում ծառայությունը շարունակելու պատրաստակամություն էր հայտնել նաև Երևանի պարեկային ծառայությունում մոտ երեք տարվա աշխատանքի փորձ ունեցող Գրետա Նոբելյանը։
Պարեկ դիմորդների դրական արդյունքների արձանագրումը Ջրային ստորաբաժանման շարքերը համալրելու միայն մի փուլն է, որին հաջորդելու են տեսական և գործնական պարապմունքները։ Ստուգումը հաջողությամբ հաղթահարած պարեկները ՆԳՆ կրթահամալիրում անցնելու են վերապատրաստումներ, ցամաքային և ջրային վարժանքներ։
Ստուգման փուլի ավարտին հանձնաժողովն ամփոփեց արդյունքները, ըստ որի՝ 38 դիմորդ հաջողությամբ հաղթահարել է լողալու կարողությունների մակարդակի ստուգումը: Նրանք կրթահամալիրում ուսումնասիրելու են Ջրային պարեկային ծառայության օրենսդրությունը, անցելու են ֆիզիկական և կրակային պարապմունքներ։ Բացի այդ, նավավարման տեխնիկական հմտությունների զարգացման, փրկարարական սարքավորումների առանձնահատկություններին ծանոթանալու նպատակով, դասընթացներին զուգահեռ, պարեկները ստացած գիտելիքները տեղայնացնելու են Սևանա լճում՝ պարապմունքների ժամանակ։
Ջրային պարեկային ծառայությունում աշխատանքի անցնելու համար միջազգային գործընկերների հետ ընդունելություն-մրցույթների կազմակերպման ուղղությամբ իրականացվել է ծավալուն աշխատանք՝ հիմք ընդունելով միջազգային փորձը, ոլորտային մասնագետների և փորձագետների կարծիքները»։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...