Շառլ Միշելը հրաժարվել է մասնակցել Եվրախորհրդարանի ընտրություններին

Եվրոպական խորհրդի ղեկավար Շառլ Միշելը հրաժարվել է մասնակցել Եվրախորհրդարանի ընտրություններին, քաղաքական գործիչը մտադիր է մնալ իր պաշտոնում, գրում է Financial Times-ը։

Ավելի վաղ Եվրախորհրդի ղեկավարը, որի մանդատը ավարտվում է 2024 թվականի նոյեմբերի 30-ին, ասել էր, որ կմասնակցի 2024 թվականի հունիսի 6-9-ը կայանալիք Եվրախորհրդարանի ընտրություններին և ամռանը կթողնի իր ներկայիս պաշտոնը՝ որպեսզի զբաղեցնի եվրոպացի պատգամավորի նստատեղը։

«Եվրախորհրդի ղեկավար Շառլ Միշելը, առաջադրվելու մտադրության մասին հայտարարելուց երեք շաբաթ անց, հրաժարվել է այս ամառ Եվրախորհրդարանում առաջադրվելու իր ծրագրից և կմնա իր պաշտոնում»,-ասվում է հրատարակության մեջ։

Ինչպես նշում է պարբերականը, Միշելը հրաժարական չի տա մինչև իր պաշտոնավարման ժամկետի ավարտը։