Երևանում թալանել են հայտնի անհատ ձեռներեցի տունը․ հափշտակել են 50 հազար դոլար, 1,5 մլն դրամ և ոսկյա զարդեր

Հունվարի 15-ին խոշոր չափի գողության դեպք է տեղի ունեցել Երևանում։

Այդ օրը ժամը 10։40-ի սահմաններում ՀՀ Ներքին գործերի նախարարության ոստիկանության Արաբկիրի բաժին է ահազանգել Կոմիտասի պողոտայի շենքերից մեկի բնակիչ 54-ամյա Անդրանիկ Բ․-ն և հայտնել, որ իրենց տանից խոշոր չափի գումար են գողացել։

Տեղում Անդրանիկ Բ․-ն ոստիկաններին հայտնել է, որ ահայտ հանգամանքներում իր ննջասենյակում տեղադրված չհրկիզվող պահարանից հափշտակել են ոսկյա զարդեր և գումար։

Տուժողը հայտնել է, որ իր բնակարանից ընդհանուր առմամբ հափշտակել են 50 հազար ԱՄՆ դոլար, 1,5 մլն դրամ և մի քանի մլն դրամի ոսկյա զարդեր։