Պենտագոնի ղեկավարը հիվանդանոցից ղեկավարել է հութիների օբյեկտներին հասցվող հարվածները
ԱՄՆ պաշտպանության նախարար Լլոյդ Օսթինը շարունակում է մնալ Ուոլթեր Ռիդի անվան ազգային ռազմաբժշկական կենտրոնի հոսպիտալում, եւ նրա վիճակը լավ է, նշվել է Պենտագոնի մամուլի քարտուղար Փեթ Ռայդերի հաղորդագրությունում։
Տեղեկության համաձայն՝ Օսթինը կապի մեջ է իր ավագ գործընկերների հետ, նրան հասանելի են պաշտպանված կապի անհրաժեշտ միջոցները, եւ նա շարունակում է հետեւել ԱՄՆ պաշտպանության նախարարության ամենօրյա գործողություններին ամբողջ աշխարհում։
«Այս շաբաթ նախարար Օսթինը ակտիվ մասնակցություն է ունեցել Եմենի հութիների կողմից վերահսկվող շրջանների ռազմական օբյեկտներին ամերիկացի զինվորականների հարվածների վերահսկմանը եւ ղեկավարմանը։ Նախագահի ցուցումով նա երեկ հրամայել է ԱՄՆ Կենտրոնական հրամանատարությանը հարվածներ հասցնել եւ իրական ժամանակում հետեւել է գործողությունների ընթացքին պաշտպանված կապի օգնությամբ»,- նշվել է Ռայդերի հաղորդագրությունում։
Նշվել է նաեւ, որ ներկա պահին գերատեսչությունը չի կարող նշել Օսթինին հիվանդանոցից դուրս գրելու կոնկրետ օրը։
ԱՄՆ-ում սկանդալ է սկսվել՝ կապված այն բանի հետ, որ Պենտագոնը երեք օր գաղտնի է պահել Սպիտակ տնից այն, որ Օսթինը հիվանդանոցում է։ ԱՄՆ պաշտպանության նախարարը հիվանդանոց է ընկել հունվարի 1-ին՝ պլանային բժշկական միջամտությունների բարդություններից հետո։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են