Վարդենիսի մարտական դիրքում սպանված 23-ամյա սպան Ոսկեվազ համայնքից էր, ուներ մեկ կրտսեր եղբայր

Վարդենիսի N զորամասի պահպանության տեղամասի N մարտական դիրքում սպանված սպա Կարեն Արայիկի Կարապետյանը Արագածոտնի մարզի Ոսկեվազ համայնքից էր։ NEWS.am-ին նախկին համայնքապետը պատմեց, որ 23-ամյա Կարենն ուներ մեկ կրտսեր եղբայր։

«Խելոք ընտանիքի տղա էր։ Մանկությանս ընկերոջ որդին էր։ Ինստիտուտն ավարտելուց հետո անցել էր ծառայության»,- պատմեց նա։

Ավելի վաղ Պաշտպանության նախարարությունը հաղորդել էր, որ հունվարի 9-ին՝ ժամը 06:20-ի սահմաններում, ՊՆ N զորամասի պահպանության տեղամասի N մարտական դիրքում հայտնաբերվել է պայմանագրային զինծառայող Կարեն Արայիկի Կարապետյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն:

Ըստ SputnikԱրմենիա-ի՝ սպայի վրա կրակել է նույն դիրքում ծառայող ժամկետային զինծառայողը։