ՌԴ քաղաքացի 19-ամյա Յուլյան Էրեբունու քննչական բաժնում զուգարանի պատուհանից դիմել է փախուստի և ստացել վնասվածքներ

Դեկտեմբերի 12-ին, արտակարգ դեպք է տեղի ունեցել Երևանում: Ժամը 21:30-ի սահմաններում Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնից փախուստի դիմելիս՝ մարմնական վնասվածքներ է ստացել ՌԴ քաղաքացի 19-ամյա Յուլիա Մ-ն, հաղորդում է Shamshyan.com-ը:

Վերջինս ոստիկանության էրեբունու բաժին էր տեղափոխվել քրեական վարույթի շրջանակում, և նա գտնվում էր հետախուզման մեջ՝ Երևան քաղաքի Կենտրոն և Նորք Մարաշ վարչական շրջանների քննչական բաժնի կողմից:

19-ամյա Յուլյա Մ.-ն քննիչի աշխատասենյակում քննչական գործողություններ կատարելուց հետո խնդրել է, որ իրեն ուղեկցեն զուգարան, ինչը քննիչի կողմից կատարվել է:

Մի քանի րոպե քննիչը տեսնելով, որ նա զուգարանից դուրս չի գալիս, իսկ դրսում աղմուկի ձայներ են լսվում, բացելով զուգարանի դուռը, տեսել է որ աղջիկն այնտեղ չէ: Պրազվել է, որ նա պատուհանից փախուստի փորձ է կատարել, ընկել ու հայտնվել է ՀՀ Ներքին գործերի նախարարության ոստիկանության Երևան քաղաքի վարչության ձերբակալվածների պահման վայրի՝ (ժողովրդին հայտնի ԿՊԶ-ի) տարածքում:

Ոստիկաններն ու քննիչիները ահազանգել են շտապօգնություն ու մինչ բժիշկների ժամանումը՝ նրան տեղում առաջին բուժօգնությունն են ցուցաբերել քննիչներն ու ոստիկանները, ապա ժամանած քննիչների հերթապահ խումբը նրան տեղափոխել է Երևանի հիվանդանոցներից մեկը:

Դեպքի փաստով էրեբունի և Նուբարաշեն վարչական շրջանների քննչական բաժնում նախաձեռնվել է քրեական վարույթ:

Ավելի վաղ NEWS.am-ը հայտնել էր, որ ՌԴ քաղաքացներ Կ.Ա․-ն և Յ․Մ․-ն դեկտեմբերի 8-ին՝ ժամը 22:00-ից մինչև 23:30-ն ընկած ժամանակահատվածում խուլիգանական արարքներ են կատարել Երեւանի կենտրոնում: Մասնավորապես, նրանք վնասել են Թումանյան 29-րդ հասցեում գտնվող արագ սննդի կետի գույքը, մրգերը նետել աշխատակցի վրա, Մաշտոց 24-րդ հասցեում գործող ծաղկի վաճառքի կետի ծաղիկները գետնին են նետել և տրորել՝ այդ գործողությունները զուգորդելով հայհոյախառն արտահայտություններով:

Նշենք, որ նրանցից Յուլյա Ֆինեսը հայտնի է դարձել Telegram ալիքում իր սկանդալային հրապարակումներով, որտեղ նա կիսվում է թմրանյութերից կախվածության մանրամասներով և ցուցադրաբար կոնֆլիկտներ է կազմակերպում մարդկանց հետ։ Որոշ ժամանակ առաջ Ֆինեսը փորձել է բուժվել վերականգնողական կենտրոնում, որից հետո տեղափոխվել է Հայաստանի մայրաքաղաք։

Մրգերը նետել են աշխատակցի վրա, ծաղիկները գետնին են նետել․ ՔԿ-ն մանրամասներ է հայտնել աղմկահարույց տեսանյութի հետ կապված