Տաթևիկ Վիրաբյանը նոյեմբերի 21-ին ազատ կարձակվի

Տաթևիկ Վիրաբյանը նոյեմբերի 21-ին ազատ կարձակվի:

Այս մասին ֆեյսբուքյան իր էջում գրել է Տաթևիկ Վիրաբյանի փաստաբան Արսեն Բաբայանը:

«Դատարանը Տաթևիկ Վիրաբյանի նկատմամբ կիրառեց տնային կալանք:

Տաթևը քրեակատարողականից ազատ կարձակցի նոյեմբերի 21-ին,- գրել է նա:

Հիշեցնենք, որ սեպտեմբերի 20-ին ՀՀ քննչական կոմիտեն հաղորդագրություն էր տարածել, որ բռնության և զանգվածային անկարգության կոչերի համար քրեական վարույթ է նախաձեռնվել Տաթևիկ Վիրաբյան անունով օգտատիրոջ նկատմամբ։

Սեպտեմբերի 24-ին Վիրաբյանը 2 ամսով կալանավորվել էր, իսկ հոկտեմբերի 19-ին նրա կալանքի ժամկետը երկարաձգվել էր։

Նշենք, որ Տաթևիկ Վիրաբյանը արցախյան 44-օրյա պատերազմում զոհված Գևորգ Վիրաբյանի քույրն է։