Քաղաքապետարանում փոշմանել են. 171 հատ 8,6 մետրանոց ավտոբուսները չեն լինի էլեկտրական

171 հատ 8,6 մետրանոց ավտոբուսները չեն լինի էլեկտրական, սակայն 18 մետրանոց ավտոբուսների մասով քննարկվելու է միայն էլեկտրական ավտոբուսներ բերելու տարբերակը: Այս մասին, այսօր՝ նոյեմբերի 6-ին, հերթական գործակարգավարական խորհրդակցության ժամանակ նշեց Երևանի քաղաքապետ Տիգրան Ավինյանը:

Տրանսպորտի վարչության պետ Վազգեն Հարությունյանն իր հերթին նշեց. «Բնական գազով աշխատող 8,6 մետրանոց ավտոբուսների մասով գնման հայտն արդեն ուղարկվել է գնումների վարչություն: Որպես նախահաշվային գին կիրառված է էժն, իջեցրած գինը: Նախկինում 150 ավտոբուսի մրցույթի ժամանակ մենք թվաքանակը հասցրեցինք 180-ի եւ գինն իջավ»:

Նա նաեւ տեղեկացրեց, որ մեկ ավտոբուսին գինը կազմում է 38-39 մլն դրամ՝ նախկին 44 մլն-ի փոխարեն: