Իսրայելը ձերբակալել է ՀԱՄԱՍ-ի առաջնորդներից մեկին
Իսրայելի հատուկ ջոկատայինները Գազայի հատվածում ձերբակալել են ՀԱՄԱՍ-ի ռազմածովային ուժերի հարավային ստորաբաժանման հրամանատարի տեղակալ Մուհամմադ Աբու Գալիին։
Աբու Գալին գերեվարվել է իսրայելական նավատորմի հատուկ ջոկատայինների մաս կազմող Շայեթ 13 ստորաբաժանման կողմից։
Թե ինչ հանգամանքներում է դա տեղի ունեցել, չի նշվում, հաղորդում է Times of Israel-ը։
«Կասկածյալը կալանքի տակ է և ներկայումս հարցաքննվում է պաշտպանության ուժերի ներկայացուցիչների կողմից», - ասել են զինվորականները:
Իսրայելի պաշտպանության բանակը (ՑԱԽԱԼ) ավելի վաղ հայտնել էր, որ հարվածներ է հասցրել ՀԱՄԱՍ-ի ռազմածովային ուժերի դիրքերին:
Բացի այդ, ՑԱԽԱԼ-ը հոկտեմբերի 8-ի երեկոյան ավիահարվածներ է հասցրել Գազայի Շուջայյա շրջանին՝ խոցելով մոտ 150 թիրախ։
Իսրայելի պաշտպանության բանակը տարածքն անվանել է «ահաբեկչության բույն», որտեղից ՀԱՄԱՍ-ը հարձակումներ է իրականացնում Իսրայելի վրա։ Զինվորականները նաև հայտարարել են շարժման հետախուզության շտաբին և ռազմական համալիրին հարվածելու մասին, որն օգտագործվում է ՀԱՄԱՍ-ի օդուժի կողմից։
Ըստ բանակի խոսնակ Դանիել Հագարիի՝ շաբաթ օրը՝ հոկտեմբերի 7-ից, իսրայելական կողմը Գազայի հատվածում խոցել է մոտ 800 թիրախ, հայտնում է Haaretz-ը։ Նրա խոսքով՝ սպանվել է ՀԱՄԱՍ-ի 400 զինյալ, տասնյակները ձերբակալվել են։
Ամբողջական հոդվածը կարող եք կարդալ այս հասցեով՝ : https://hraparak.am/post/241cdb2ddd5a16983f20c958340c20c3
© 2008 - 2021 «Հրապարակ օրաթերթ»

















































Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մենք ուզում ենք, որ դուք օր առաջ տնավորվեք ՀՀ-ում
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էնցո Ֆերնանդեսը ցանկանում է հեռանալ Չելսիից
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են