Իսպանիան սահմանափակումներ է մտցնում ջրի օգտագործման վրա՝ սաստիկ երաշտի պատճառով
Անցյալ շաբաթ Կատալոնիայի իշխանությունները ջրի օգտագործման նոր սահմանափակումներ են մտցրել 22 գյուղերում, որոնք գտնվում են Ֆրանսիայի հետ Իսպանիայի սահմանի հարեւանությամբ ջրամբարի շրջակայքում, քանի որ ջրատարը, որը սնուցում է դրանք, նույնպես դատարկվում է, հայտնում է Reuters-ը:
2023 թվականի առաջին չորս ամիսներին Իսպանիան գրանցել է տարվա ամենաչոր սկիզբը 1960-ականների առաջին տարիներից ի վեր, որից ամենաշատը տուժել են Կատալոնիան և Անդալուսիան հարավային Իսպանիայում:
Իսպանիայում և ամբողջ Եվրոպայում այս ամառ գրանցված մի քանի ջերմային ալիքներ թեժացրել են երաշտը` իջեցնելով ջրի մակարդակը ջրամբարներում, քանի որ գոլորշիացումը և ջրի սպառումը մեծանում են, հայտնում է իսպանական AEMET օդերևութաբանական գործակալության խոսնակ Ռուբեն դել Կամպոն:
Կատալոնիայի հարավում գտնվող 22 գյուղ և ևս երկու գյուղ, որոնց ընդհանուր բնակչությունը կազմում է մոտ 25,000 մարդ, ջրի հարցում արտակարգ դրության մեջ են:
Սա նշանակում է, որ նրանք պետք է ջրի սպառումը նվազեցնեն օրական միջինը 200 լիտրի՝ մեկ բնակչի հաշվով՝ նախկին 230 լիտրի համեմատ։ Իշխանությունները դեռ չեն սահմանափակում մարդկանց ջրի սպառումը, սակայն գյուղատնտեսական նպատակներով ոռոգումը հիմնականում կարգելվի, իսկ արդյունաբերական և ռեկրեացիոն նպատակներով ջրի օգտագործումը պետք է կրճատվի 25%-ով։
900 բնակչություն ունեցող Ագուլանա գյուղը ամիսներ շարունակ ջրի սպառումը պահել է 200 լիտրից ցածր, սակայն գյուղապետն ասել է, որ հետագայում էլ քայլեր կձեռնարկվեն:
«Մենք կվերացնենք այգիների, ֆուտբոլի դաշտի ոռոգումը, լողավազանի հարեւանությամբ խոտածածկը, որը, ինչպես կտեսնենք, կդառնա դեղին, կարծես այրված»,- ասել է Խոսեպ Յովելը։ Փողոցները մաքրելու համար ջուր չի օգտագործվի, միայն քիմմաքրում, հավելել է նա։

















































Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են